Foto: cato.org

AQŞ, Resey, Iran arasındağı qalıptasqalı otırğan jaña qarım-qatınas turalı, qazir, älem BAQ-ı türli boljam jasauda. Tipti, älemdik bedeldi basılımdardıñ biri Kreml'den aşı sın da estip aldı. Qalay desek te, täuelsiz basılımdardıñ "birdeñeni bilip" otırğanı anıq. AQŞ Iranğa qarsı jaña sankciya jariyalasa, onda, AQŞ-tıñ  Iran men Resey arasına sına qağayın degeni. Osı turalı qıtaydıñ "Şinhua" agenttiginiñ resmi saytında saraptamalıq maqala jariyalandı.

Tramptıñ Iran jaylı sözine  «ökiniş» bildirdi
AQŞ-tıñ prezidenti Donald Tramp ötken aptada «Fokus» tele-arnasına bergen swqpatında Irandı «eñ bastı terroris memleket» degen, sonday-aq osı eldiñ AQŞ-tı mülde «közge ilmeytinin» aytqan. Al, AQŞ pen baylanısın jaqsartqısı keletin Resey Tramptıñ bwl sözine qalay qaraydı?  Resey ejelden Irannıñ jaqsı seriktesi bolıp kelgen.  Putinnıñ baspasöz hatşısı Dimitriy Peskov 6 aqpan küni Tramptıñ bwl sözine qarsı pikir ayttı. Peskov telefonda jurnalisterge: "Resey men AQŞ-tıñ Iranğa qaratqan sayasi poziciyası wqsamaydı. Resey men Iran bwrınnan seriktes dos elder, alda ekonomikalıq barıs-kelisti tipti de tereñdete tüspek. Al, Resey men AQŞ qatınasına kelsek, jasırarı joq,  eki eldiñ halıqaralıq isterge qaratqan poziciyaları köp jaqtardan birdey emes. Alayda, osı wqsamağan közqaras eki eldiñ selbestigi men damuına eşqanday kedergi jasamauı kerek", – dedi.
AQŞ-tıñ Qazına ministirligi 3 aqpan küni Iranğa jaña bağıttağı sankciya jariyalap, Irannıñ jaqındağı zımıran sınağı men «terrorizmdi qoldağan» äreketine qarsı mälimdeme jasağan bolatın. Sankciya nayzasınıñ wşı Irannıñ zımıran sınağı josparın qoldauşılar men "Islam töñkerisi" wyımnıñ äreketterin qoldauşılarğa qaratılıp twr.
Reseydiñ SİM-nıñ orınbasarı Sergey Ryabkov AQŞ-tıñ osı sankciyasına baylanıstı «ökinişin» bildirgen. Sonday-aq, ol «Irannıñ zımıran sınağın jasauı BWW-nıñ qauipsizdik jönindegi kelisimi men Irannıñ uran mäselesi jönindegi kelisimderge eşqanday qayşılığı joq» degen bolatın.
Ryabkov qayta Resey men Irannıñ arasına ot jağudı közdegen “The Wall Street Journal” basılımınıñ atın atap sınğa aldı. Atalğan basılım atı-jönin jasırğan şeneuniktiñ «Uaşington Iran men Resey dostığına sına qağadı» degen sözin jariyalağan. Ryabkov: «Mwnday negizsiz boljamdar jaqsaru aldında twrğan AQŞ pen Resey qatınasına keri ıqpalın tigizedi» dedi.

Putinnan auızşa keşirim swrasın 

AQŞ-nıñ "Fokus" aqparattıq arnasınıñ jürgizuşisi Bell' Aurerri aldıñğı küni Tramppen swqpattasqanda, «Putin özgeşe täsilder qoldanğış ‹qandıqol›» dep atağan. Sonda Tramp oğan qarsı swraq qoyıp: "Senşe biz ğana sütten aq, sudan taza boldıq pa?  Bizde de köptegen ‹qandıqoldar› bar ğoy. Ötkenge köz jügirtsek, ağattıqtarımız  az emes» degen edi. Tramptıñ bwl sözi Qwrama Ştattarda dau tudırdı. 5 aqpan küni  Demokrattar partiyası men Respublikaşıldar partiyasınıñ ökilderi Tramptıñ AQŞ pen Resey  ükimetin salıstırğanın aşıq sınğa aldı.
Bwl iske qarata 6 aqpan küni Putinnıñ hatşısı Peskov mälimdeme jariyalap, «Bell' Aurerri adam estigennen wyalatın ersi  sözderin jiıstırıp, prezident Putinnan aşıq keşirim swrasın!» degen. Fokus aqparat arnasınıñ jürgizuşisi Bell' Aurerri bwğan äzirge deyin jauap qaytarmadı.

Aud: Ädilet AHMETWLI

“The Qazaq Times”