Erdoğan Izrail'ge qarsı mälimdeme jasadı. Foto: Turkish Minute.

Türik prezidenti Rejep Tayıp Erdoğan soñğı mälimdemeleriniñ birinde, barşa älemdi Izrail'ge qarsı attanısqa keluge şaqırdı. Türkiya basşısınıñ öziniñ Ädilet jäne damu partiyasınıñ jinalısında jasağan bwl mälimdemesi 19 şilde küni Izrail'de qabıldanğan daulı zañ jobasına qaratılğan.  Bwl turalı sol eldiñ «Anadolı» aqparattıq saytı habarladı.

Erdoğan sözinde: «Biz osı aymağımız şekken zardaptı jüregimizben sezinuimiz kerek. Osı öñirde eñ köp zardap şegip, ädiletsizdikke wşırağan jer Palestina ekenin şübäsiz. Onıñ janında eşkimniñ qwqığına qwrmet etpeytin bir memleket bar», – dedi.

Türkiya prezidenti Izrail'di öz qwqığın qorğağısı kelgen palestinalıqtarğa qarsı oq atqanı üşin ayıptadı jäne Izrail' ükimetiniñ ädiletsizdigine qarsı bükil älemdi attanısqa keluge şaqırdı.

“The Qazaq Times”