Foto: kamuoyu.org

Gaza sektorındağı «Wlı oralu marşı» nauqanına baylanıstı qwrılğan Joğarı wlttıq komitet palestinalıqtardı jwma küni qarsılıq nauqandarına şığuğa şaqıruda. Ayta ketu kerek, atalğan qarsılıq nauqanına dayındıq şaralarınıñ bastalğanına biraz uaqıt bolğan. Tipti oğan «Gazadan Batıs Iordanğa deyingi qan men tağdır birligi» degen wran da dayındalğan.

Atalğan komitet taratqan mälimdemelerge säykes, wyımdastırılıp jatqan qarsılıq nauqanınıñ maqsatı öz qwqıqtarı üşin küresken Palestina halqına körsetiletin qısımğa qarsı twru, palestinalıqtardıñ auızbirşiligin körsetu.

Bärimizge belgili, üstimizdegi jıldıñ 30 naurızınan beri Gaza sektorı men Izrail' şekarası qaqtığıstan köz aşpay keledi. Qaqtığıs «Jerdi qorğau küniniñ» 42 jıldığına oray, palestinalıqtardıñ «Wlı oralu marşı» degen ataumen beybit nauqan ötkizulerine baylanıstı twtanğan. Nauqan barısında izrail'dik äskeriler men palestinalıqtar arasında birneşe märte atıs orın alıp, saldarınan köptegen adam qaza tauıp, jaralanğan edi. Atap aytar bolsaq, qarsılıq nauqanınan beri izrail'dik äskeriler 130 beybit palestinalıqtı, onıñ işinde 2 däriger, 2 jurnalisti öltirgen. Olardan bölek, 14 mıñnan astam adam auır jaraqattanğan.

“The Qazaq Times”