Photo: Caravan.kz

Bügin Elbası Nwrswltan Nazarbaev Türkistan oblısınıñ payda boluına baylanıstı pikir bildirdi. Bwl turalı Aqordanıñ resmi saytı habarladı.

«Bügin «Qazaqstan Respublikasınıñ Äkimşilik-aumaqtıq qwrılıs turalı» Zañınıñ toğızınşı babına säykes, Şımkent qalasına respublikalıq mañızı bar qala märtebesin beru jäne oblıs ortalığın Türkistan qalasına köşiru turalı Jarlıqqa qol qoyğalı otırmın. Bwdan bılay bwl öñir Türkistan oblısı dep atalatın boladı. Osı äkimşilik aumaqtıñ qwrılımına özgeris engizu arqılı bwl öñirdiñ örkendeuine tıñ serpin berudi közdegen tarihi qwjat bolıp sanaladı» - dedi, memleket basşısı.

Osı orayda Elbası Oñtüstik Qazaqstan elimizdegi ekonomikalıq, kölik-logistikalıq, demografiyalıq äleueti zor aymaq ekenin, biıl halqınıñ sanı millionğa jetken Şımkent şaharı Qazaqstandağı eñ iri megapolistiñ qatarına qosılğanın eske salıp ötti. Atap aytqanda, Täuelsizdik jıldarında Astanadan keyin Şımkent millionnan asa halqı bar qala retinde tirkeldi.

«Oblıstağı önerkäsip öndirisiniñ 60 payızı Şımkentte şoğırlanğan. Şahar elimizdegi jetekşi sauda-önerkäsip jäne mädeniet oşaqtarınıñ biri bolıp sanalatının  bilemiz. Qalanıñ osınday mümkindikterin eskerip, oğan respublikalıq märtebe beru jöninde şeşim qabıldadım. Al oblıs ortalığı Türkistan qalasına köşiriledi» - dedi Nwrswltan Nazarbaev.

“The Qazaq Times”