Foto: e-history.kz

Qazaqstanda onlayn-nesie sektorın retteu mäselesi jiti qarastırılıp jatır. Eger kredit boyınşa jıldıq mölşerleme 20 payızdan aspauı  kerek degen talap engizilse, onda 4 mln otandasımız nesieden qağıladı. Bwl turalı kapital.kz portalı mälimdedi.

Elimizde onlayn-nesie osıdan 4 jıl bwrın berile bastaptı. Osı uaqıt aralığında şağın qarjı wyımdarınan mıñdağan qazaqstandıq aqşa alıp ülgergen eken. Deni - 30 jasqa tolmağandar. Olar qarajat şwğıl qajet dep, älgi mekemelerdiñ kömegine jappay jüginedi. Payızdıq mölşerlemesi joğarı bola twra, nesie aludan tartınbaydı. Qarjı salasın zerttep jürgen mamandar onlayn-nesie räsimdeuge köbine Almatı jäne Astana qalasınıñ twrğındarı beyim deydi. Öytkeni şağın qarjı wyımdarınıñ köbi osı qalalarda şoğırlanğan. Mäselen, 2015 jılı onlayn-nesie aluğa ötiniş bergenderdiñ sanı - bwqaranıñ 14% qwrasa, bıltırğı jılı halıqtıñ  53% - qarjı wyımdarınan qarız alğan eken. Osı twsta, internet arqılı nesie räsimdeuge mümkindik beretin mekemelerdiñ köbi - şeteldik kompaniyalar ekenin eskergen jön. Eger qarjı salasında älgindey özgerister bolsa, olardıñ Qazaqstan aumağınan alastatılauı äbden mümkin.

“The Qazaq Times”