فوتو: e-history.kz

قازاقستاندا ونلاين-نەسيە سەكتورىن رەتتەۋ ماسەلەسى ءجىتى قاراستىرىلىپ جاتىر. ەگەر كرەديت بويىنشا جىلدىق مولشەرلەمە 20 پايىزدان اسپاۋى  كەرەك دەگەن تالاپ ەنگىزىلسە، وندا 4 ملن وتانداسىمىز نەسيەدەن قاعىلادى. بۇل تۋرالى kapital.kz پورتالى مالىمدەدى.

ەلىمىزدە ونلاين-نەسيە وسىدان 4 جىل بۇرىن بەرىلە باستاپتى. وسى ۋاقىت ارالىعىندا شاعىن قارجى ۇيىمدارىنان مىڭداعان قازاقستاندىق اقشا الىپ ۇلگەرگەن ەكەن. دەنى - 30 جاسقا تولماعاندار. ولار قاراجات شۇعىل قاجەت دەپ، الگى مەكەمەلەردىڭ كومەگىنە جاپپاي جۇگىنەدى. پايىزدىق مولشەرلەمەسى جوعارى بولا تۇرا، نەسيە الۋدان تارتىنبايدى. قارجى سالاسىن زەرتتەپ جۇرگەن ماماندار ونلاين-نەسيە راسىمدەۋگە كوبىنە الماتى جانە استانا قالاسىنىڭ تۇرعىندارى بەيىم دەيدى. ويتكەنى شاعىن قارجى ۇيىمدارىنىڭ كوبى وسى قالالاردا شوعىرلانعان. ماسەلەن، 2015 جىلى ونلاين-نەسيە الۋعا ءوتىنىش بەرگەندەردىڭ سانى - بۇقارانىڭ 14% قۇراسا، بىلتىرعى جىلى حالىقتىڭ  53% - قارجى ۇيىمدارىنان قارىز العان ەكەن. وسى تۇستا، ينتەرنەت ارقىلى نەسيە راسىمدەۋگە مۇمكىندىك بەرەتىن مەكەمەلەردىڭ كوبى - شەتەلدىك كومپانيالار ەكەنىن ەسكەرگەن ءجون. ەگەر قارجى سالاسىندا الگىندەي وزگەرىستەر بولسا، ولاردىڭ قازاقستان اۋماعىنان الاستاتىلاۋى ابدەن مۇمكىن.

“The Qazaq Times”