Keşe BWW Qauipsizdik keñesi Süriyanıñ Duma qalasında bolğan himiyalıq jarılısqa baylanıstı N'yu-Yorkte bas qosqan edi. Jinalısta AQŞ pen Resey arasında qatañ aytıs-tartıs orın alıp, AQŞ ökili Galey jiın soñında qanday şeşim şığarılsa da, özderiniñ osınday şabuıl äreketterine qarsı ekendikterin bildirdi.

Resey bolsa, qanday da bir iske negizsiz aralasuğa bolmaytının, onıñ osı tektes halıqaralıq qaqtığıstardı azaytu jolında tiimsiz ekenin ayttı. Al, Süriyanıñ arnayı ökili sıni eskertu jasap, «Şığıs Gutadağı jağdaydan keyin, alğaş ret aymaqtıq, wlttıq nemese tek qana Süriyanıñ qauipsizdigi emes, halıqaralıq qauipsizdikke keri äser etetindey jağdayğa jettik» , - dedi. Nege ekeni, Süriya elşisi söz alğan sätte AQŞ, Wlıbritaniya jäne Franciya ökilderi otırıstıñ bituin kütpesten, jinalıs zalın tastap, şığıp ketti. Esteriñizge salsaq, keşe BWW Qauipsizdik Keñesi Şığıs Gutanıñ Dumadağı himiyalıq qaru şabuılına qatıstı Franciya, Wlıbritaniya, AQŞ jäne keñestiñ uaqıtşa müşeleri Kot-d'Ivuar, Gollandiya, Peru, Pol'şa, Kuveyt jäne Şveciyanıñ talabımen otırıs jasağan bolatın.  Alayda, jiın soñı Süriyadağı köptegen beybit twrğındardıñ ömirin jalmağan qaqtığıstarğa toqtam jasaytınday, naqtı şeşimmen ayaqtalmadı.

“The Qazaq Times”