Küni keşe Saud Arabiya hanzadası Mwhammed Bin Selman Vaşingtonda AQŞ prezidenti Donal'd Tramppen kezdesken bolatın. Kezdesu barısında Tramp Saud Arabiyasına qaru satu isiniñ AQŞ azamattarı üşin qanşalıqtı paydalı bolatındığı men onıñ qanşalıqtı ülken mümkindikter tudıratındığı turalı derekter keltirilgen kölemdi suret körsetti. Nege ekeni belgisiz, Tramp kartinalardı körsetip jatqanda hanzada Selmannıñ türi bwzılıp ketti. Mwnday sätti közden tasa qılmaytın qırağı sarapşılar men sayasatkerler hanzada Selmannıñ bwl küyin AQŞ prezidentiniñ mwnday qwpiya tolı aqparatpen bölisetinin kütpegenimen baylanıstıruda.

Atalğan kezdesude Tramp är-Riyad ükimetiniñ AQŞ-tan alatın qwnı 12 mlrd. dollar twratın qaru-jaraq pen olardıñ AQŞ-qa tigizetin paydası turalı keñinen äñgimeledi. Ol, qaru öndirisine baylanıstı AQŞ-ta qosımşa 40 mıñ jwmıs ornı payda bolatının ayttı. Ekijaqtı kezdesude Saud Arabiyasınıñ AQŞ-tan soñğı uaqıtta millardtağan dollarlıq qaru alğanın jäne sol isin äli de jalğastırıp kele jatqanın aytqan Tramp, aqparat qwraldarına soñğı kezeñderde Saud Arabiyasına satılğan 12, 5 mlrd. dollarlıq qarular turalı derekter jazılğan suretti da körsetti. Ädette aytarın aytıp qalatın sırbaz hanzada bwl jolı eşteñe aytpağanmen, ne bolsa bir sausağın işine bügip qalğanı anıq. Sebebi, onıñ is-äreketinen AQŞ prezidentiniñ qılığın jaratpay qalğanı aşıq bilinip-aq twr. Ayta ketu kerek, Tramp ükimeti men Saud Arabiyasımen super-qaru saudasına qatıstı kelisimşartqa qol qoyılğanı bärimizge belgili. Al mwnşalıqtı egjey-tegjeyli derek köpşilik üşin tosın aqparatqa aynalıp otır.

“The Qazaq Times”