foto: dezeen.com

Käsipker Ilon Mask transporttıq tunnel' saluğa jazbaşa rwqsat aldı. Endi Uaşington ( Washington DC) men N'yu-York arası bar bolğanı 29 minuttıq jolğa aynaladı, - dep habarlaydı "Dezeen" basılımı. 

Masktıñ infraqwrılımdıq " The Boring Company " kompaniyası AQŞ-tıñ soltüstik-şığısındağı " Hyperloop " tunnel' (ötken jıldıñ jazında ükimetten rwqsat alğan) qwrılısın bastauğa qajet barlıq qwjattarğa qol jetkizdi.

Jolauşılar men tasımaldauşı transporttar tunnel' işimen joğarı jıldamdıqpen jüredi. Bwl bir qaladan ekinşisine jetu uaqıtın qısqartıp qana qoymay, üstindegi joldarda kölik keptelisin azaytu üşin qarastırılğan. Bolaşaqta bwl tunnel'ge Baltimor men Filadel'fiyanı qosu josparlanuda. Mask osınday tunnel'di bitpeytin kölik keptelisinen qwtılu üşin Los-Andjeleste saludı wsınğan, biraq bwl wsınıs halıq tarapınan qoldauğa ie bolmadı.

" Hyperloop " ideyası alğaş ret 2013 jılı wsınıldı. " Hyperloop One " jobası sağatına 190 mil' şaqırımmen kölikterdi tasımalday alatının ötken jılğı sınaq kezinde däleldedi. Riçard Brenson kompaniyasınıñ investiciyasınan keyin joba atauı " Virgin Hyperloop One "- ğa özgerdi.

Osı uaqıtqa deyin  Dubay men Abu-Dabi, Europanıñ negizgi astanaları Bratislava ( Bratislava), Vena (Vienna) jäne Budapeştti (Budapest) jäne Meksika (Mexico City) men Gvadalaharanı (Guadalajara) baylanıstıru üşin "Hyperloop " tunnelin salu ideyası talqılanğan bolatın..

Mask elektrkölikter şığaratın "Tesla " kompaniyasınıñ negizin qalauşı jäne jaqında "ğarışqa eñ mıqtı zımıran wşırğan" "SpaceX" kompaniyasınıñ basşısı.

“The Qazaq Times”