Foto: AFP, Eric Piermont

AQŞ-tıñ memlekettik hatşısı Reks Tillerson Uaşington reseylikterge qarsı jaña sankciya engizudi qarastırıp jatqanın mälimdedi. Ol bwl turalı CBS telearnasınağı swhbatında ayttı, dep habarlaydı Praym.

Resmi ökildiñ sözine qarağanda, AQŞ Reseydıñ qorğanıs operaciyalarınıñ jüzege asuına jol bermes üşin CAATSA zañı boyınşa ("AQŞ-tıñ sankciya arqılı qarsılastarına qarsı twru turalı" zañı) qadamdar jasap qoyğan.

Ayta keteyik, bwdan bwrın AQŞ Qarjı ministrligi bolaşaqta sankciyağa ilinui mümkin Resey biligine jaqın oligarhtar men sayasatkerleriniñ «Kreml' bayandaması» dep atalatın tizimin jariyalağan edi. Qwjatta reseylik 114 sayasatker men 96 biznesmenniñ atı körsetilgen. Olardıñ işinde prem'er-ministr Dmitriy Medvedevten bastap, prezidenti Vladimir Putinniñ mañayında jürgen atı şulı oligarhtar Roman Avramoviç pen Älişer Usmanov sındı azamattardıñ esimderi bar.

“The Qazaq Times”