foto: aljazeera.com

AQŞ prezidenti Donal'd Tramptıñ äkimşiligi 2019 jılı Tayau Şığısqa arnalğan qarjılıq kömektiñ kölemin azaytpaq (äsirese, Livandağı BWW missiyaları, okkupaciyalanğan Golan (Golan Heights) biiktikteri men Batıs Sahara öñiri), - deydi Al Jazeera aqparat agenttigi.

Byudjetti josparlau departamentiniñ basşısı Duglas Pitkinniñ (Duglas Pitkin) mälimdeuinşe, BWW-ğa bağıttalatın qarjını jäne jalpı älemde beybitşilikti saqtau maqsatındağı missiyalardı qarjılandıru azaytıladı.

Departamenttiñ aqparatına süyensek, Birikken wlttardıñ Livandağı äskerin (UNIFIL) qarjılandıru 42%-ğa azayadı, yağni, 84,2 mln AQŞ dolları bölinedi. UNIFIL 1978 jılı qwrılıp, eldiñ Izrail'men ortaq oñtüstik şekarasındağı jağdaydı baqılap otıru üşin Livan äskerine kömek körsetip keldi.

Qarjınıñ azayuı UNIFIL-ğa körşiles Süriyadağı äskeri qaqtığıstar kesirinen "Izrail' ekeuine ortaq oñtüstik şekaradağı qauipsizdik pen twraqtılıqtı" qamtamasız etu mandatın orındauğa kedergi keltirui mümkin.

Sonımen qatar äkimşilik tağı 10-ğa juıq aymaq pen elderge qatıstı da osınday qısqartular boluı mümkin ekendigin habarladı. Mäselen, Golan biikterindegi baqılau men qarulı qaqtığıstardıñ aldın alu jönindegi BWW äskerine bölinetin qarjı 55 %-ğa azayadı. 2017 jılı osı missiyağa 24,6 mln AQŞ dolları bölingen bolsa, 2019 jılı 11,1 mln AQŞ dolları bölinedi dep josparlanuda.

Batıs Saharadağı missiyalarğa bölinetin qarjını äkimşilik 18,4 mln-nan 8,4 mln AQŞ dollarına azaytpaq.

AQŞ qısım körsetkennen keyin ötken jılı BWW Bas Assambleyası beybitşilikti saqtauğa arnalğan 8 mlrd dollarlıq byudjetten 600 milliondı alıp tastadı.

AQŞ elşisi Nikki Heli (Nikki Haley) BWW-na: "Bwl tek bastaması ğana", - dedi.

AQŞ pen BWW arasındağı qarım-qatınas pen seriktestikti damıtumen aynalısatın "Better World Campaign" mälimetinşe, Tramp äkimşiliginiñ AQŞ-tıñ sırtqı ister şığındarın osınşama qısqartuı öziniñ BWW jäne onıñ agentterin qosqanda jalpı halıqaralıq jetekşiligin joğaltuğa alıp keledi.

Bwl qısqartular - AQŞ-tıñ Halıqaralıq damu jönindegi byudjet şığının 25 %-ğa azaytu josparınıñ bir böligi. Tramp sonımen qatar äskeri şığındardı arttırıp, äleumettik bağdarlamalardı qarjılandırudı qısqartudı josparlap otır.

12 aqpan küni öziniñ tvitter akkauntında Tramp: "Infraqwrılıs salası üşin jañalıqtarğa tolı apta bolayın dep twr. Aqımaqtıqqa boy berip, Tayau Şığısta 7 mlrd AQŞ dolların jwmsağannan keyin özimizdiñ elimizge qarjı qwyatın kez keldi!", - dep jazğan.

Pentagonnıñ mälimdeuinşe, äskeri şığındardıñ artuı Resey men Qıtay tarapınan tönip otırğan qauip nätijesi.

“The Qazaq Times”