QR prezidenti Nwrswltan Nazarbaev QR Wlttıq bankiniñ törağası Daniyar Aqışevqa retteuşi bank jwmısın tüzetu boyınşa zañğa özgeris engizudi jedeldetu turalı tapsırma berdi.

Ükimettiñ keñeytilgen otırısında Wlttıq bank törağası problemalı bankterdiñ biri DeltaBank-tiñ mindetteriniñ 60 payızın kvazimemlekettik sektor qwraytının jäne RBK-dağı kredittiñ 90 payızı banktiñ akcionerleri nemese solarmen baylanısı bar tört borışkerge berilgenin ayttı. Alayda Prezident Aqışevtı sınğa aldı.

"Biz bwl isti qaşan ayaqtaymız? Äbilyazovtıñ bastamasımen "BTA" bank barlığınıñ köz aldında halıq pen memlekettiñ aqşasın wrlap otır. Biz bükil älemge mwnıñ memleket qarjısı ekenin däleldedik. Al qazir ne boldı? Bank qwrdıq, oğan adamdar, wlttıq kompaniyalar barıp jatır. Endi sol bank akcionerleri aqşanı ol jerden şığarıp jatır,  al Wlttıq bank otırıp alıp, onı baqılauda. Bwl qalay bolğanı?", - dep swradı Nazarbaev.

Osılay degen Nazarbaev bankterdi bankrot retinde tanu kerektigin ayttı.

"Biz "bankrot jasamau kerek" deymiz. Bankrot jasau kerek. Bolmasa özderiniñ aqşaların bersin. Bwl akcionerler eşqayda ketip qalğan joq, bäri osında. Aqşa  jinap, sosın onı ol jerden alıp ketu üşin bankterdi qwradı. Tapa tal tüste wrlıq bolıp otır", - dep aşulandı Nazarbaev.

Öz kezeginde Aqışev problemalı bankterde toksindi kreditterdiñ qalay payda bolğanı turalı ayttı.

"Mwnday kredit bergen bankter qarız aluşılardı bağalau procedurasın joqqa şığaradı. Jeñildigi bar mölşerlemeler qoldanılıp, qatañ türde kepil talap etilmeydi. Saldarınan osınday kreditterdiñ bäri qaytarılmay jatadı", - dedi Aqışev.

Osıdan keyin prezident Parlament mäjilisiniñ törağası Nwrlan Nığmatulinge tiisti zañ jobasın qaraudı tezdetudi swradı.

"Nwrlan Zayrollawlı, Wlttıq bank bankterdiñ barlıq jay-küyin jäne sol jerde jürip jatqan barlıq qarajat esebin tüpkilikti qarau qwqığına ie bolu üşin oğan (Daniyar Aqışevqa - red.) tiisti zañ jobasın engizudi tapsırdım. Sizden osını qarastırudı jedeldetudi swraymın", - dedi prezident.

Ayta keteyik, Nwrswltan Nazarbaev 2017 jıldıñ 3 aqpanında bolğan ükimettiñ keñeytilgen otırısında kerisinşe, Wlttıq banktiñ jaqsı jwmıs atqarğanın jäne Aqışavqa eşkimnen qorıqpau kerektigin aytqan bolatın. "Wlttıq bank qarjı jüyesin rettegen sayın onıñ basşısına şabuıldar köbeydi. Mwnı osı zalda otırğan akcionerler men demeuşiler jasaydı. Eşkimnen qorıqpa» – degen edi sol kezde prezident Wlttıq bank törağası Daniyar Aqışevqa.

“The Qazaq Times”