Foto: Reuters

Ündistan öz azamattarınıñ Mekke qalasına qajılıq saparğa baruı üşin beriletin memlekettik subsidiyanı toqtatadı. Ündistannıñ azşılıq toptardıñ mäseleleri jönindegi ministri Mwhtar Abbas Nahvi qajılıq saparın qoldauğa jwmsalıp kelgen qarjı endi azşılıq toptardan şıqqan äyelderdiñ bilim aluın qamtamasız etuge jwmsaladı. Bwl turalı Äl-Jazira aqparattıq agenttigi jazdı. 

Bwl şeşim 2012 jılı Ündistannıñ Joğarğı Sotınıñ el Ükimetine mwsılmandarğa qajılıq sapar üşin beriletin subsidiyalardı jıl sayın qısqartıp, 2022 jılğa qaray mülde toqtatu turalı tapsırmasına negizdelgen. Osı jarlıqqa säykes, Mekkege saparı üşin 2013 jılı 100 mln $ bölinse, 2016 jılı bwl körsetkiş 75 mln $ deyin qısqarğan.

Ündistan kedey mwsılmandardıñ qajılıq mindetin atqaruı üşin 1954 jıldan beri memleket tarapınan qarjılıq qoldau körsetip keledi. Bwl bağdarlama ayasında mwsılmandarğa äue biletterin aluğa  jeñildikter beriledi. Sarapşı Fayzan Mwstafanıñ aytuınşa, subsidiyalardıñ negizgi böligi Air India kompaniyası kirisiniñ aytarlıqtay böligin qwrap kelgen.

Resmi derekterge säykes, biıl Ündistannan 175 mıñ mwsılman qajılıqqa baradı. Subsidiyalau bağdarlaması kedey mwsılmandardıñ qajılıqqa baruına mümkindik beru maqsatında aşılğan. Degenmen soñğı kezderi Ündistannıñ biliktegi Wlttıq partiyası subsidiyağa qarsılıq bildirip kelgen edi.

“The Qazaq Times”