Iranda Ükimetti qoldaytın şeruler jaña küşpen jalğasın taptı

Iranda bileuşi rejimdi qoldaytın şeruler jaña küşpen jalğasın taptı.  Ötken aptada bastalıp, 21 adamnıñ ölimine sebep bolğan, äleumettik mäseleler men eldi basqaruşı toptıñ sayasatına narazılıqtan tuındağan halıqtıq qarsılıq şaralarına jauap retinde Iranda Ükimetti qoldaytın şeruler üşinşi kün qatarınan Tehran jäne oğan irgeles 40-qa juıq aymaqta ötip jatır. Bwl turalı AFP aqparattıq agenttigi jazdı. 

Irannıñ ökiletti twlğaları beybitşilikti bwzğan mitingilerge AQŞ, Izrail' jäne Saud Arabiyası siyaqtı şet memleketterdi kinäli dep taptı. Osıdan bwrın eldegi jağday ornığıp, halıqtıñ qarsılığı tolıqtay basılğanı turalı habar taratılğan bolatın. Osı mälimdemeden soñ, keybir aqparattıq agenttikter  şalğay audandar men şağın auıldarda Ükimetke qarsı qozğalıstar toqtamağanın jazğan edi. Degenmen bwl derekterdi rastaytın dälelder joq. AFP tilşisiniñ aytuınşa, köterilistiñ izi de bayqalmaytınına qaramastan, qala köşelerinde policiya qızmetkerleri qaptap jür. Olar jergilikti halıqtan bülik şığaruğa tırısqandardıñ fotosureti men beynejazbaların jiberudi swrağan.

Ükimetti qoldaytın şerulerdiñ qatısuşılarınıñ biri AFP aqparattıq agenttigine bergen swhbatında: "Biz öz mäselelerimizdi özimiz şeşe alamız. Irannıñ işki sayasatına AQŞ, Izrail' ne Saud Arabiyası siyaqtı şet memleketterdiñ aralasqanın qalamaymız!", - degen pikir aytqan. Bwl - Iran halqınıñ AQŞ-tıñ soñğı engizgen sankciyası men Tehrandağı jağdaydı BWW-nıñ Qauipsizdik Keñesi deñgeyinde talqılaudı wsınuına bildirgen narazılığı.

Irannıñ İşki İster ministri Abdolriza Rahmani Fazli bilikke qarsı mitingilerge jalpı sanı 42 mıñ adam qatısqanın habarladı. Bwl osıdan bwrın narazılıq şerulerine bar-joğı 15 mıñ adam jinaldı degen Revolyuciyalıq gvardiyanıñ dereginen köp bolğanımen, 2009 jılı saylau qorıtındısına kelispey qala köşelerine şıqqan jüzdegen mıñ irandıqtardan az körsetkiş. Iran Ükimeti eldegi birqatar äleumettik mäselelerdi, äsirese jastar arasındağı 30 payızğa jetken jwmıssızdıqtı moyındadı. Qoğam belsendileri  bilikten eldegi ekonomikalıq ahualdıñ tömendigine qatıstı halıqtıñ ötinişin eskerudi swradı.

Irannıñ Bas Prokurorı Mwhammed Jafar Montazeri AQŞ, Izrail' jäne Saud Arabiyası bağalardıñ ösui men äleumettik qordalanğan mäselerdi provokaciya qwralı esebinde paydalanğanın aytadı. Onıñ keltirgen deregine säykes, atalğan memleketter äleumettik jelilerde "Joğarı bağalarğa joq deymiz! Qımbat tölemderden bas tartamız!" degen aqparattıq kampaniya jürgizgen.

"Interfaks" aqparattıq agenttigine säykes, Resey Sırtqı İster ministriniñ orınbasarı Sergey Ryabkov "AQŞ özge memleketterdiñ işki isterine aşıq ta, astırtın da aralasuın doğaratın emes" degen pikir bildirgen. Türkiya Prezidenti Redjep Tayıp Erdoğan da AQŞ-tıñ qadamın qoldamadı.

Ağımdağı jıldıñ 12 qañtarı küni 2015 jılı Iran men älem elderi arasında jasalğan yadrolıq kelisim ayasındağı AQŞ-tıñ sankciyalardı qayta qarastıru uaqıtı keledi. Sol uaqıtta Donal'd Tramp AQŞ-tıñ sankciyalardan bas tartu turalı şeşimin saqtau ne ekonomikalıq qısım şarasın qayta engizu turalı şeşimin jariyalaydı.

“The Qazaq Times”