Foto: AFP

AQŞ-tıñ Joğarğı Sotı Donal'd Tramptıñ altı mwsılman memlekettiñ azamattarınıñ Amerikağa kiruine tıyım salu wsınısın qoldau turalı ükim şığardı. Joğarğı Sot alqasınıñ toğız müşesi Çad, Iran, Somali, Liviya, Süriya men Yemen azamattarınıñ AQŞ-qa kelulerine tıyım saludı qoldasa, Bader Ginzburg pen Sonya Sotomayor ğana Tramptıñ bastamasına qarsılıq tanıttı. Bwl turalı VVS aqparattıq agenttigi jazdı. 

Bosqındar men joğarıda atalğan mwsılman memleketterine qoyılğan şekteuler narazılıq tudırıp, wzaq talqığa tüsken bolatın. Wlttıq migraciya ortalığınıñ basşısı Karen Tumlin Sottıñ şeşimin "öte naşar jañalıq" dep qabıldadı. Ol mwsılman memleketteriniñ azamattarınıñ qwqığın qorğau üşin küres jalğasatının jetkizdi. Osı aptada San-Francisko men Riçmondtağı jergilikti apelyaciyalıq Sottar sayasi şeşimniñ zañdı ne zañsız ekenin sarapqa saladı.

Donal'd Tramptıñ migraciyalıq sankciyaları birneşe kezeñdi qamtıdı:

  • Qañtar ayında AQŞ Prezidenti jeti mwsılman memleketiniñ azamattarın 90 künge qabıldau men bosqındardı Amerika territoriyasına kirgizuge tıyım salu turalı jarlıqqa qol qoydı. Süriya bosqındarın da qamtığan gumanitarlıq missiyağa kedergi keltiretin şeşim öte köp sınğa tap boldı.
  • Naurız ayında engizilgen özrister boyınşa, qara tizimnen Irak memleketi alınıp tastalıp, qos azamattığı barlar men "Green" kartasınıñ ieleri sayasi şeşimniñ qwrbandarı qatarına kirmeytin boldı.
  • Qırküyek ayında Donal'd Tramp joğarıda atalğan altı mwsılman elderiniñ qatarına Soltüstik Koreya men Venesuelanı qostı.

Donal'd Tramptıñ şeşimin AQŞ Sottarı ärtürli qabıldadı. Merilend ştatınıñ sot alqasınıñ müşesi Prezidenttiñ däyekterin äbden "aqılğa qonımdı" dep tapsa, Gavaydağı federaldı sot jalpı sanı 150 mln bolatın altı mwsılman memleketiniñ azamattarına qoyılğan şekteudiñ negizgi sebebi anıq emestigin ayttı. Virdjiniya Sotı bwl jarlıqqa  "Bir adamnıñ belgili bir topqa qarsı äreketi nege bükil memleket azamattarına zardabın tigizui kerek?!" degen saualmen jauap berdi.

“The Qazaq Times”