Liberaldı Koreya partiyasınıñ jetekşisi Uaşingtonda. Foto: WSJ.

Oñtüstik Koreyanıñ konservativti oppoziciyalıq partiyası Tramp ükimetin Oñtüstik Koreyada taktikalıq yadrolıq qarudı qayta ornalastıruğa ıntalandıruda. Soltüstik Koreyanıñ qauip-qaterin tolıqtay bağalauğa jäne Korey tübegindegi jağdaydı özgertuge kömektesu üşin Oñtüstik Koreyanı yadrolıq qarumen qamtamasız etui kerek dep otır. Bwl turalı «WSJ» basılımı habarladı.

Eldiñ «Liberaldı Koreya» partiyasınıñ jetekşisi Hoñ Jünpio (Hong Joon-pyo) AQŞ Memlekettik departamentiniñ joğarı lauazımdı twlğalarımen jäne Uaşingtondağı ekijaqtı Parlament ökilderiniñ kezdesui kezinde AQŞ-tıñ qaru-jaraqpen qamtamasız etuin ümit etetindigin aşıq ayttı. Degenmen, Oñtüstik Koreyanıñ qazirgi prezidenti Mün Ja-in yadrolıq qarudı taratuğa qarsı. Ol bwl turalı jasağan mälimetinde Oñtüstik Koreyanıñ taktikalıq yadrolıq qarulardı el işine engizui, Korey tübeginde yadrolıq soğıstıñ boluına tikeley sebebi bolatının aytqan.

«Liberaldı Koreya» partiyasınıñ jetekşisi Soltüstik Koreyağa qarsı aytqan batıl da qatañ pikirleri üşin Oñtüstik Koreyada halıqtıq qoldauğa ie bolıp otır. Ol Mün Ja-inmen qatar prezident saylauına tüsken jäne dauıs sanı boyınşa ekinşi orınğa ie bolğan sayasi twlğa. Alayda sol retki saylauda Mün Ja-inniñ bäsi basım tüsip, 9 jıldan keyin alğaş ret konservativti prezident bolıp bilikke keldi.

AQŞ ükimetiniñ ökilderi jasağan mälimdemede, Tramp ükimeti oñtüstik koreyalıq şeneunikter aytqan wsınıstı qarastırıp köruge dayın ekenin jetkizgen. AQŞ-tıñ qorğanıs ministri Jim Mettis qırküyek ayı kezinde Oñtüstik Koreyadağı saparı kezinde jurnalisterge jauap berip, Oñtüstik Koreyada taktikalıq yadrolıq qarulardı qaytalay ornalastırudıñ mümkin ekenin aytqan edi. Degenmen, bwl jolı Mettis Oñtüstik Koreyanıñ wsınısına jauap qaytarğan joq.

Uaşingtonnıñ ökili särsenbide AQŞ-tıñ poziciyası özgermegenin, äli künge deyin Korey tübeginiñ yadrolıq qarusızdanuın qoldap kele jatqanın mälimdedi.

“The Qazaq Times”