"IM" sodırlarınıñ jattığu alañı. Foto: TVC News.

«Islam memleketi» dep atalatın terrorlıq top Irak pen Süriya jerindegi terrorizmge qarsı küresterden jeñilis tauıp, äreket aymaqtarı tarıla bastadı. Soñğı mälimetterge qarağanda, atalğan lañkestik toptıñ 5600-den astam adamı öz elderine qaytıp baradı. Bwl turalı BBC-diñ resmi saytı jazdı.

Bwl mälimetti AQŞ-tıñ «Soufan Center» dep atalatın analitikalıq ortalığı tarattı. Ortalıqtıñ mälimetine qarağanda, eki jıl işinde 33 memleketten kelip topqa qosılğan lañkester eline qaytıp jatır. Atalğan ortalıqtıñ habarında qaytıp barğan lañkestik top müşeleri sol eldiñ qauipsizdigine qater töndiretinin aytqan.

2014 jılı mausım ayında özderin «Islam memleketi» dep atağan ekstremistik top «Halifat» jariyalağannan keyin, älemniñ jer-jerinen neşe mıñdağan jihadşılar topqa kelip qosılğan edi.

Ötken aptada AQŞ-tıñ qoldauımen Süriya jerindegi «IM» tobınıñ negizgi twrağı Rakka qalası qaytarılıp alındı.  «Soufan Center»-nıñ mälimetine qarağanda şetelden kelip terrorlıq topqa qosılğandar sanı 2015 jıldıñ soñınan qazirge deyin kürt azayıp ketken. Bwl «IM»-ge qosılğan şeteldik jihadşılardıñ qauırt türde eline qaytıp jatqanın bildiredi.

Rakka qalasındağı lañkesterdiñ twrağınan tabılğan tizimde 40 lañkestiñ esimi bar bolıp şıqtı. Olardıñ 19 mıñ adamı şetelden kelgen bolıp şıqtı. Degenmen, «IM» tobı jeñilis tapqan sayın bwl adamdardıñ qayda-qalay ketkeni turalı naqtı mälimet joq. «Soufan Center» 33 memlekettiñ mälimetterin toptastıra otırıp 5600 adamnıñ öz eline qaytqanın anıqtap otır. Olardıñ arasında 400 adam Reseyge qaytıp barğan. Al, Reseyden «IM»-ge barğan jihadşılar sanı 3417 adam dep körsetilgen. Saud Arabiyasınan 3244 jihadşı soğısqa barıp, onıñ 760 adamı eline qaytqan. Franciyadan 1910 adam «IM»-ge qosılıp, 271 adamı qaytıp barğan.

Atalğan ortalıqtıñ mälimetinde Qazaqstannan barğan nemese qayta oralğandar turalı mälimet kezdespedi. Degenmen, körşiles Özbekstannıñ atı bar. Bwl elden 1600-ge juıq jihadşı attanğan. Olardıñ qaytıp kelgenderi turalı mälimet anıq emes.

“The Qazaq Times”