Foto: cnn.com

Jaqın künderi AQŞ äskeri bastağan Süriya kürd-arab küşteri Er-Rakka qalasın üş jılğa sozılğan "Islam memleketi" lañkestik wyımınıñ biliginen azat etti. Halifattıñ de-fakto astanası sanalatın qaladağı jeñis terroristik wyımğa qarsı küreske jaña lep berdi. Bwl turalı VVS aqparattıq agenttigi jazdı. 

Süriyanıñ demokratiyalıq küşteri Er-Rakka qalasın azat etu operaciyasın mausım ayında bastağan. Bwl Irak äskeriniñ AQŞ-tıñ äue jäne qwrlıqtağı küşteriniñ kömegimen 9 ayğa sozılğan qaqtığıstan keyin Mosul qalasın qaytarıp alu sätinen keyin boldı. Juırda Irak äskeri "Islam memleketi" wyımına tağı da ülken soqqı berip, olardı Efrat özeniniñ batıs böligindegi şöldi aymaqqa ığıstırdı. Atalğan wyım äli de Dayr-äz-Zaur qalası mañındağı ülken aumaqtı baqılauında wstap otırğanımen, ondağı sodırlar Reseydiñ qoldauına süyengen Süriya Ükimeti men Hezbolla, Süriyanıñ Demokratiyalıq küşteriniñ qısımında qalıp otır.

Er-Rakka "Islam memleketi" 2014 jılı birinşi bolıp jaulap alğan qalalarınıñ biri. Qalanı azat etu üşin 2015 jılı Kürdter men arab toptarınan qwrılğan Süriyanıñ Demokratiyalıq küşteri AQŞ-tıñ äue küşteriniñ qoldauına süyenip, 4 mıñğa juıq bombı laqtırğan.

Adam qwqıqtarı jönindegi The Syrian Observatory wyımınıñ esebinşe, osınday äue soqqılarınan 3 mıñ 250 adam qaza tapqan. Olardıñ arasındağı beybit twrğındardıñ sanı - 1 mıñ 130. BWW 270 mıñ azamat öz üylerin tastap bosıp ketkenin aytadı.

"Islam memleketi" lañkestik wyımı qarjını qaydan aladı?

Olar Irak pen Süriyadağı mwnaylı audandardı basıp alıp, sonı saudalap keldi. Degenmen soñğı jeñilisterdiñ äserinen,  biraz tabiği baylığı mol audandardı uısınan şığarıp aldı. Onan bölek, terroristerdi astırtın qarjılandıratın memleketter men wyımdar bar. Sodırlardıñ tabıs tabu joldarınıñ tağı biri - jergilikti halıqtan jinalatın salıq, mülikti küşpen tartıp alu jäne adam wrlığı.

“The Qazaq Times”