Ündistan armiyasınıñ osığan deyin şekarağa ornalastırğan artilleriyaları. Foto: q8india.com.

Resey jäne Qıtay aqparattıq qwraldarı, Päkistannıñ arandatu äreketine qarsı, Ündistan jaq auır äskeri qaru-jaraqtarın Ündistan men Päkistannıñ şekarasına ornalastırıp jatqanın habarlağan. Äri Päkistan jaqqa «terrorlıq äreketterdi jüzege asıru üşin şekaranı kesip ötpeu» turalı qatañ eskertu jasağan. Bwl turalı «Şinlañ» aqparattıq saytı jazdı.

Resey men Qıtaydıñ «Sputnik», «Şinhua» agenttikteriniñ habarına qarağanda, soñğı kezderi Ündistan-Päkistan şielenisi örşip keledi. Qaqtığıs tuıluı mümkin Kaşmir aymağında Ündistan armiyası on jıldıq täjiribelerin qayta iske qosıp otır. YAğni, tankter jäne brondalğan jauıngerlik köliktermen jabdıqtalğan äskerlerdi atalğan aymaqqa jetkizip, Päkistan jaqtıñ barlıq äskeri qimılına jauap beruge äzirlegen.

Mälimetterge süyensek, eki el şekarasına Ündistan armiyasınıñ 10-şı atqıştar diviziyası jetkizilgen. Bwl diviziya Ündistan-Päkistan arasındağı qaqtığıstarda sınnan ötken, soğıs täjiribesine ie qosın sanaladı. Onıñ bwrınğı jayau äskerler qatarı tolıqtırılğan. Bwlar küşti jauıngerlik qabiletke ie, äri yadrolıq, himiyalıq şabuıldarğa da tez beyimdele alatın qosın dep atalğan. Bwlarğa qosa Ündi-Päkistan şekarasına 100 dana T-72 tanki jäne 100 reseylik mehanikalandırılğan brone-tehnikasın ornalastırğan.

Ündistan armiyasınıñ bwl qadamı soğısqa bütindey äzirligin tanıtıp otır. Äri Päkistan jaqqa eskertu jasap, arandatu jäne terrorlıq maqsattardı jüzege asıru üşin eki el şekarasınan kesip ötpeuin ayttı. Alayda, Päkistannıñ BWW-dağı ökili mälimdeme jasap, «Ündistannıñ qazirgi basşısı Narendra Modi ükimetiniñ Näsilşildik pen faşizm ideologiyası qalıptastırdı» dep ayıptadı. Ol jäne Ündistannıñ barlıq körşilerine bağıttalğan terrorizmdi qarjılandırıp otır dep jazğırdı. Päkistan jaq halıqaralıq qauımdastıqtı Kaşmir jağdayın oñdı şeşuge şaqırdı. Äri Ündistannıñ eki el arasında qol qoyğan atıstı toqtatu kelisimin bwzuına jol bermeuin swradı.

“The Qazaq Times”