Foto: Informburo.kz

Qazaqstanda startaptardıñ sanı 40 mıñnan asqan. Bwl turalı Finprom saraptama agenttigi habarladı. Startap jobalardıñ köpşiligi öz jwmısın auıl şaruaşılığı jäne sauda salasında damıtıp otır. 

Statistikağa sensek, bwl körsetkiş soñğı 10 jıldğağı eñ joğarğı körsetkiş. Onıñ üstine jaña ideyalar bazasındağı biznes türleri ekinşi jıl qatarınan joğarğı ösim körsetip otır. Bir jılda startap sanı 14,4%-ğa nemese 5,1 mıñğa ösken.

Agenttiktiñ mälimetinşe, jaña startapşılar narığınıñ ösu bos twrğan käsiporındar sanınıñ qısqaru uaqıtımen säykes keldi. Mısalı bir jılda uaqıtşa belsendi bola almağan käsiporındardıñ sanı 4,2 mıñğa azayğan.

Sonımen jaña startapşılardıñ sanınıñ ösui äsirese, sauda salasında bayqalıp otır. Saudada jürgen startap käsiporındardıñ sanı bir jılda 24,7%-ğa nemese 2,3 mıñğa artqan.

Bwdan bölek qazaqstandıqtardıñ qızığuşılığı auıl şaruaşılığında da artqan. Osı saladağı jaña käsiporındardıñ sanı eki esege nemese 1,3 mıñğa köbeygen.

Sonımen jaña käsiporındar qwrılıs, öñdeuşi önerkäsip, memlekettik basqarudan basqa ekonomikanı damıtuşı barlıq salalarda köbeye bastağan. Startapşılardıñ sözinşe, Qazaqstanda qwrılıs salası öziniñ şarıqtau şegine jatken.

Ayta keteyik, elimizde startap jobalardı qoldaytın bağdarlamalar barşılıq. Oğan qızığuşılıq tanıtıp otırğan jastar da az emes. Tek Ükimet "osı bağdarlamalar ayasında osınşa qarjı bölindi, osınşa joba jüzege astı" dep qwrğaq eseppen toqtap qalmay, jastardı odan sayın demey tüsse nwr üstine nwr bolar edi.

“The Qazaq Times”