Foto: spinning.kz

Oñtüstik Qazaqstan oblısında kelesi jılı 30 şağın su qoymasınıñ qwrılısı bastaladı. Bwl turalı äkimdiktiñ baspasöz qızmeti habarladı.

Oblıstıq auıl şaruaşılığı basqarma basşısınıñ mindetin uaqıtşa atqaruşı Twrğanbek Ospanovtıñ aytuınşa, öñirdegi su tasqınına qarsı injenerlik 98 is-şara atqarılıp, su jinaqtau kölemi 342,75 mln şarşı metrdi qwraytın 30 şağın su qoyması ayqındalğan. Nätijesinde 12 nısan boyınşa jobalau smetalıq qwjattama äzirlengen. Biıl jergilikti byudjetten 2 nısanğa 174, 2 mln teñge bölinse, qalğan 10 nısanğa 960,98 mln teñge qarastırılğan.

Alayda respublikalıq jol kartasın bekitu kezinde Oñtüstik Qazaqstan oblısı boyınşa 29 nısan engizilmey qalğan. Osı qalğan 29 nısan boyınşa oblıstıq deñgeyde arnayı is-şaralar keşeni äzirlenip, oblıstıq byudjetten 2,1 mlrd teñge bölingen.  Jalpı qwnı şamamen 6,3 mlrd teñge bolatın 30 şağın su qoymasınıñ qwrılısı endi eki kezeñ boyınşa jüzege asatın boladı. Birinşi kezeñde jalpı qwnı 3,8 mlrd teñge bolatın 5 jobanı iske asıru josparlanğan.

Ayta keteyik, Qazaqstannıñ köpşilik aymaqtarında su qoymalarınıñ sapası sın kötemeydi. Onı köktem şığa sala lay batpaqqa batıp, su tasqınınan zardap şegip otırğan türli öñirlerden-aq bayqauğa boladı.

“The Qazaq Times”