Angela Merkel' jäne Hillari Klinton. Foto: express.co.uk.

Ğılımda kün sayın türli-tüsti jañalıqtar adamzat igiligine qosılıp jatadı. Ğılımi jañalıqtardıñ keybireui bizdiñ dästürli tanımdarımız ben jol-joralğılarımızdı ğılımi türde däleldep rastap jatsa, keybireui dästürli tüsinikterge qayşı bolıp şığadı. Orta ğasırlarda Şığıstıñ adam tür-twlğasına qarap, minezine, işki jan-düniesine, tipti bolaşağına boljam jasau sındı adamtanu ğılımında jetken jetistikteri Batıstı qalay tañqaldırsa, bügin Batıstıñ aşqan ğılımi jañalıqtarı bizdi de solay tañ qaldıruda.  "People" basılımı jariyalağan nemis ğalımdarı aşqan bwl jañalıqta sonıñ biri.

Bavariyadağı (Germaniya) Fridrih-Aleksandr universitetiniñ psihologtarı jasöspirim kezindegi fizikalıq damuğa midağı gormonaldı belsendiliktiñ äserine iştey zertteu jürgizgen. Zertteudiñ nätijesine baylanıstı, gormonaldı belsendiliktiñ özgerui bet qañqasınıñ formasın qalıptastıruğa äser etedi dep qorıtındı şığarılğan. Sonday-aq, «midıñ damu aymağın ıntalandıru jäne minezdemesiniñ qalıptasuına ıqpal etedi», - deydi atalğan universitettiñ zertteuşileri.

Zertteuşiler qorıtındı şığaru üşin 213 adamğa jiñişkelikpen baqılau jürgizgen. Bwl adamdardıñ bet wzındığı men enin ölşep, bet wştarı men joğarğı erni jäne qastarı arasındağı qaşıqtıq araqatınasın eseptep şığarğan. Soñınan, ğalımdar osı adamdardıñ boyındağı «jasırın swranıs» nemese «nPower» dep atalatın psihologiyalıq qwbılıs turalı sınaqtar jürgizgen. Zertteu nätijeleri FWHR-nıñ köşbasşılıqqa wmtılu därejesine tikeley baylanıstı ekenin körsetken.  Biraq, zertteuşiler bwl erekşelik tek äyeldermen şekteletinin aytadı.

«Bwl jañalıq biz kütken nätijege mülde qayşı keldi», – deydi zertteu tobınıñ jetekşisi, ğalım Kevin Djensen, – Sebebi, osığan deyin fWHR ädette erlermen baylanıstı dep qaralıp kelip edi».

Angela Merkel', Hillari Klinton jäne Sofi Ellis qatarlı tanımal äyel twlğalar  öñ-älpetinde  bet pişini keñ boluday bir ortaq sipatqa ie. Ğalımdardıñ zertteu nätijesine qarağanda, äyelderdiñ basımdıq poziciyasınıñ kömeski quatı olardıñ bet-älpetterinen bilinetindigi anıq bolğan. Aytalıq, bet pişini keñ äyelderdiñ köşbasşılıq qasieti basım bolatını anıqtalıp otır.

“The Qazaq Times”