AQŞ Qorğanıs ministri Ukrainada. Foto: BBC.

AQŞ Qorğanıs ministri Mettis Ukrainanıñ Kiev qalasında saparı barısında, Qwrama Ştattar Ukraina ükimetine qarastı küşterge äskeri kömek körsetu turalı mindettemesin jalğastıratının ayttı. Sonımen birge, Kreml'ge qaratqan sözinde, eger Resey Ukrainanıñ şığısındağı jağdaydı ornıqtırmaytın bolsa, AQŞ sankciyaların qaytarıp almaytının aytıp ötti. Bwl turalı «Şinhuanıñ» resmi saytı habarlaydı.

Mettis bwl saparında Tramp ükimetiniñ Ukrainağa qaratqan sayasatın jetkize keldi. Äri, AQŞ-Ukraina arasında äskeri kömek berudiñ jaña kelisimine qol jetkizetinin de mälimdedi. Mettis söz arasında Resey Ukraina şığısında oñ şeşim jasap qateligin tanımasa, memleket şekarasın äskeri küşpen özgertti dep ayıptalatının aytıp ötti.

Mettistiñ mälimdemesinen belgili bolğanday Qwrama Ştattar jaqında Ukraina ükimetine 175 million dollarlıq äskeri kömek bağdarlamasın qabıldağan. 2015 jıldan beri AQŞ Ukrainağa bağıttağan äskeri kömekti 750 mln AQŞ dollarına deyin arttırdı. Jems Mettistiñ sözinen belgili bolğanı – Ukrainanı qorğanıs qaruın jäne äskeri ob'ektiler arqılı qoldaudı jalğastırudan basqa, Qwrama Ştattar qırğındağış qarulardı da beru mümkindigin qarastıruda.

“The Qazaq Times”