Foto: Technosider

Reuters agenttiginiñ 5 tamızdağı habarında, AQŞ Qwrlıq armiyasınıñ birtwtas bwyrıq şığarıp, qıtaylıq innovaciyalıq öndiris orınınıñ öndirgen kez-kelgen türdegi wşqışsız wşu aparattarın (drondardı) qoldanuğa şekteu qoydı. Ayıptauda aytıluınşa, «bwl önimderde jelilik qauipsizdikti saqtau jağında köptegen kemşilikteri bar» delingen. Bwl turalı qıtaylıq «Şinlañ» aqparattıq agenttiginiñ saytında jazıldı.

AQŞ Qwrlıq armiyası bwl şeşimdi 2 tamızda ğalamtorda jariya etken. AQŞ Qwrlıqtıq diviziyası kelesi qadamda Qıtaylıq «Dajiang» innovaciyalıq öndiris käsipornı öndirgen barlıq önimderdiñ batareyaların, saqtau qwrılğıları jäne qauipsizdik jabdıqtar jinap almaq bolıp otır. Osığan deyin AQŞ Qwrlıqtıq diviziyası «Dajiang» käsipornı öndirgen wşqışsız wşu qwrlığıların köptep paydalanıp kelgen.

AQŞ-tıñ qıtaylıq bwl önimdi tübegeyli şekteui Qıtay käsiporındarın ümitsizdendirgen. «Dajiang» kompaniyası jariyalağan habarlamada: «Bwl bizge ümitsizdikti alıp kep otır. Aldağı uaqıtta, AQŞ Qwrlıq diviziyasımen baylanıs ornatıp, jelilik qauipsizdiktegi kemşiligi bar degen ayıptarınıñ mağınasın naqtılağalı otırmız. Tipti, Pentagonmen baylanıs ornatuğa da dayınbız. Barınşa alañdauşılıqtı joyuğa tırısamız», – delingen.

2016 jıldıñ saraptau qorıtındısı boyınşa, «Dajiang» kompaniyası älemdegi wşqışsız wşu aparattarın öndiru narığınıñ 70 payızın ielenedi. Aldağı bes jılda armiyalardı qamtığan twtınuşılarğa qwnı 100 mlrd dollardan asatın önim öndirudi josparlap otırğan.

AQŞ qwrlıqtıq diviziyasınıñ qıtaylıq drondardı şekteuiniñ bastı sebebi - qwrlıq qosındarınıñ köptegen täjiribe sınaqtarınıñ esteligi qıtaylıq käsiporındar öndirgen drondarda saqtalğan. Alıstan meñgeruge arnalğan bwl qwrılğılardan Qıtay nemese özge elderdiñ jelilik şabuıldar arqılı osı mañızdı qwpiyalıqtardı wrlap ketuinen alañdap otır.

“The Qazaq Times”