BWW ğimaratı. Foto: Moore Travel Tips.

2015 jılı Iranmen kelisim jasasqan altı eldiñ törteui – Amerika Qwrama Ştatı, Wlıbritaniya, Germaniya jäne Franciya qatarlı elder BWW Qauipsizdik keñesine şağım joldadı. Şağım hatta «Irannıñ «Samwrıq» attı zımırandarın ğarışqa wşıruı arandatuşılıq jäne ürey tuğızadı» dep ayıptağan. Bwl turalı «Türkiya Tele-Radio» qızmetiniñ resmi saytı habarlap otır.

Atalğan tört el şağım hatta «Samwrıq» zımırandarı turalı naqtı mälimetter körsete almağan. Alayda, bwl ballistikalıq zımırandar bolğan jağdayda yadrolıq oqtwmsıqtar tasımalday aluı mümkin degen boljam aytqan.

Şağım aytqan elder  Irandı 2015 jılı jasasqan kelisimdi bwzdı dep ayıptadı. Bwl kelisimde Irannıñ yadrolıq qaru tasımalday alatın ballistikalıq zımıran öndiruine, sınauına, ğarışqa wşıruına tiım salınğan bolatın.

“The Qazaq Times”