Resmi Kiev AQŞ jäne özge de memleketterdiñ bilik organdarın Mihail Saakaşvilidiñ Ukraina aumağında alğan barlıq qwjattarınıñ küşi joyılğanı jayında habardar etti, dep habarlaydı Oxu.az saytı.

Ukraina prezidenti Petr Poroşenko Amerikada jürgen Mihail Saakaşvilidi Ukraina azamattığınan şığarğannan keyin AQŞ bilik organdarına onıñ barlıq ukrainalıq qwjattarınıñ küşi joyılğandığı jayında mälimdeme taratqan. Bir sözben aytqanda Ukraina biligi barlığın Saakaşvilidi Gruziyağa özderi ekstardiciyalay almaytınday etip jasağan. Şeteldik sarapşılardıñ sözinşe, Kievtiñ mwnday qadamdarğa baruınıñ sebebi, Ukrainadağı Saakaşvili jaqtastarınan seskenui bolu mümkin.

Osıdan keyin Ukraina biliginen Saakaşvilidi ekstradiciyalauğa baylanıstı birneşe märte tiisti jauap ala almağan Gruziya tarapı, qazirdiñ özinde AQŞ biligimen Mihail Saakaşvilidi ekstradiciyalauğa baylanıstı kelissöz jürgizuge dayın ekenin mälimdegen.

Esteriñizge salayıq, tamızdıñ 1-i küni Mihail Saakaşvili öziniñ AQŞ-ta tığılıp jatpaytının, mindetti türde Ukrainağa qaytıp oralıp, sot aldında öziniñ qwqığın qorğaytının aytqan bolatın.

“The Qazaq Times”