Foto: Reuters

Auğanıstannıñ astanası Kabulda kölikke ornatılğan jarılğış qwrılğı 24 adamnıñ ömirin qidı, dep habarlaydı BBC aqparattıq agenttigi jergilikti bilik ökilderiniñ mälimdemesine silteme jasap.

Auğanıstannıñ İşki ister ministrliginiñ ökili Nadjib Daniş: "Teraktiniñ äserinen 42 adam jaralanğan.  İşine jarılğış zat ornatılğan belgisiz azamattıñ köligi  Ükimet basşısınıñ orınbasarı Mwhammed Mohahiktiñ üyiniñ janınan tabıldı.  Negizgi nısan - bilik ökiliniñ ömirine qauip töndiru bolğanğa wqsaydı, degenmen onı küzetşiler toqtatqan boluı mümkin", -dedi.

Qazirge deyin jarılıstı birde-bir terroristik wyım men toptar moyındarına alğan joq. Degenmen bwl jarılıs mamır ayında el astanasındağı 150-ge juıq adamnıñ ömirin qiğan, özdiginen jarılğan jük köligi turalı oqiğağa wqsaydı.

BWW-nıñ keltirgen aqparatına säykes, Auğanıstanda jıl basınan beri  osınday qoldan wyımdastırılğan terroristik aktiler äserinen 1 mıñ 662 adam köz jwmğan. Qwrbandardıñ  20 payızı - Kabul qalasınıñ twrğındarı.

“The Qazaq Times”