Gamburgtegi «ülken jiırmalıqtıñ» sammitinde orın alğan qoğamdıq tolqudan keyin Germaniya öziniñ Europadağı odaqtastarınan tärtip bwzuşılardı izdestiru jwmıstarına kömektesuin swradı.

Germaniyanıñ Ädilet ministri Hayko Mas: «Qazir barlıq beynejazbalar men fotosuretter tekserilip jatır. Biz şet eldik äriptesterimizden kömek kütemiz» dep mälimdedi. Sonday-aq Gamburgtegi arnayı komissiya şığarğan twtqındau turalı jarlıqtı özge elderdiñ de şwğıl arada rastauı talap etildi.

Qazir Gamburgte 51 küdikti wstalğan. Olardıñ qatarında nemisterden bölek, Resey Federaciyası, Italiya, Niderlandı, Ispaniya, Franciya, ŞveycariyamenAvstriya memleketteriniñ azamattarı da bar. Hayko Mas aldağı uaqıtta birde-bir sayasi mañızğa ie basqosu kezinde «europalıq bülikşilerdiñ» basqa el men qalalarda qwqıqbwzuşılıq äreketterin qaytalamauın qadağalau qajettiligin basa ayttı. Osıdan bwrın Germaniyanıñ Sırtqı ister ministrliginde Gamburgtegi jağday eldiñ bedeline aytarlıqtay nwqsan keltirdi dep habarlanğan.

“The Qazaq Times”