Bankter twtınuşılıq nesie berudi qayta qolğa ala bastadı

Twtınuşılıq nesie beru qayta jandanıp keledi. Osı jıldıñ soñğı üş ayınan beri jeke twlğalarğa berilgen twtınuşılıq qarız portfeli artıp otır. Mısalı osı jıldıñ mamır ayında mwnday nesieler kölemi 1%-ğa, säuir ayında 1,4%-ğa, mamır ayında 1,6%-ğa deyin köterilgen, dep habarlaydı ranking.kz.

Al jıl basınan beri Qazaqstanda jeke twlğalarğa berilgen twtınuşılıq nesie  4%-ğa ösip, 2,6 trln teñgeni qwradı. Osılayşa bankter twtınuşılıq nesie sapasın jaqsartu arqılı halıqtı belsendi türde kreditteudi qayta qolğa aldı.

Degenmen qazirgi kezde jeke twlğalarğa berilgen twtınuşılıq kreditterdiñ 7,3%-ı jwmıs istemeydi eken. Al bir jıl bwrın merzimi ötken qarız kölemi 9,4%-ğa bağalanğan.

Twtınuşılıq kredit eñ köp berilgen aymaqtarğa keler bolsaq, Astana aldıñğı orında. Soñğı jılı Astanada berilgen twtınuşılıq bölşek qarız kölemi 23 mlrd teñgege nemese 12,1%-ğa ösken. Ekinşi orında 20,2 mlrd teñge köleminde twtınuşılıq kredit bergen Qarağandı oblısı. Bwl aymaq jalpı berilgen twtınuşılıq kredit ülesiniñ 6,2%-ın qwraydı.

Al üşinşi orında Mañğıstau oblısı. Bwl öñirde jeke twlğalarğa berilgen twtınuşılıq nesie portfeliniñ kölemi 18,8 mlrd teñgege deyin köbeygen. Almatı qalasında kerisinşe, kredittiñ mwnday türin alatındar sanı azayğan. Bir jıl işinde berilgen qarız kölemi 33,3 mlrd teñgege deyin kemigen.

kapital.kz“The Qazaq Times”