Katardağı super-marketter. Foto: VOA Learning English.

5-6 mausım künderi Saud Arabiyası bastağan 7 memleket Katarmen bolğan diplomatiyalıq qatınasın üzgen bolatın.  Körşiles jäne bauırlas arab elderiniñ diplomatiyalıq qatınastarın üzgenine baylanıstı Katar twrğındarı azıq-tülikpen qamdaudıñ toqtap qaluınan alañdap ortalıq qala Dohadan jappay azıq-tülik satıp ala bastadı. Bwl el ortalığındağı birneşe ülken super-marketterdiñ qañırap bos qaluın keltirip şığardı. Bwl turalı «People.com» habarlap otır.

Birneşe kün bwrın Saud Arabiyası bastap, Mısır, BAÄ, Bahreyn, Yemen, Mal'div, Liviya qatarlı jeti arab memleketteri Katardan diplomatiyalıq qatınastarın üzdi. Arap tübeginiñ şığısındağı Parsı şığanağındağı şağın tübekke ornalasqan Katardıñ halıq sanı 2 million aynalasında. Jer kölemi 12 mıñ şarşı şaqırımğa jetpeydi. Şığısında Parsı şığanağı arqılı Iranmen su arqılı şekaralasadı. Oñtüstik şığısında  Birikken Arab Ämirligi, Soltüstikte Bahreyn qatarlı şağın arab elderi bar. Al batısı Saud Arabiyasına tireledi. Töñiregin qorşağan bauırlas elderdiñ diplomatiyalıq qatınasın üzip, teñiz jäne äue joldarın kesip tastauı Katar halqın twtınudağı tapşılıqqa wşıraudan alañdattı.

Alayda Katar ämirligi: «Sırtqı diplomatiyalıq qatınastardıñ üzilui halıqtıñ twrmısına ıqpal etui mümkin, alayda Katardıñ şekara işindegi halıqtı wzaq merzimge twtınumen qamdauğa şaması äbden jetedi», – dep otır.

“The Qazaq Times”