Mwnay qwnı qwldıradı

2 mausım küni mwnaydıñ bağası osıdan üş apta bwrınğı deñgeyge deyin qwldıradı. Qara altın qwnınıñ bwlay qwldırauı AQŞ-tağı mwnay köleminiñ artuı jäne prezident Donal'd Tramptıñ Parij kelisiminen bas taruımen tüsinidirilip otır. Mwnday aqparattı Dow Jones agenttigi habarladı.

Sonımen älemdegi eñ ötimdi Brent markası ICE Futures Europe-ta  2,88%-ğa tömendep,  barreli 49,17 dollardı qwradı. Al WTI mwnayına jasalğan kelisim  2,83%-ğa azayıp, 46,99 dollardan satılıp jatır, dep habarlaydı PRAYM.

Bir apta bwrın qara altın bağası AQŞ-ta saqtaulı mwnay köleminiñ azayuına baylanıstı biraz köterilgen edi. Alayda 25 mamırdağı OPEK jinalısınan keyin AQŞ azayğan mwnaydı qayta toltırıp ülgerdi.

"AQŞ-tağı mwnay köleminiñ artuı narıqtağı wsınıstı arttırıp jiberdi. Sondıqtan jwma küni bağa 50 dollardan da arzandap ketti. Bwdan bölek osı eldiñ Prezidenti Donal'd Tramptıñ klimat jönindegi Parij kelisiminen şığuı da ıqpal etkenin esepke alu kerek", - deydi Global Risk Management menedjeri Maykl Poulsen.

Ayta keteyik, osı aptada Brent markasınıñ bağası 5%-ğa deyin tömendegen. Al investorlar OPEK elderiniñ öndiris kölemin qısqartu üşin basqa äreket tanıtpağanına tañdanıp otır. "OPEK wsınısına qatıstı qauip bwrınğıday qala beredi", - deydi Commonwealth Bank of Australia sarapşısı Vivek Dhar.

Ayta keteyik, osıdan bir apta bwrın OPEK pen oğan müşe emes elder mwnay kölemin qısqartu merzimin wzartuğa kelisken bolatın. Degenmen körip otırğanımızday bwl kelisim bağanı retteuge eş äsep ete qoymaytın siyaqtı.

“The Qazaq Times”