Foto: infonet.vn

Resey, AQŞ, Türkiya, Süriya jerinde qauipsiz aymaq qwruğa baylanıstı kelesimge keluge jaqın dep habarlaydı VVS aqparat agenttigi Vladimir Putinniñ sözine silteme jasap.

Resey basşısı Vladimir Putin keşe Soçide Türkiya prezidenti Rejep Tayıp Erdoğanmen kezdesuinde «Süriya da qwrılğalı jatqan qauipsiz aymaqta eşqanday äskeri operaciyalar jürgizilmeydi. Men bwl jayında AQŞ prezidenti Donal'd Tramppen de söylestim. AQŞ tarapı da bwl bastamanı qoldap otır. Bwl kelissözderdiñ nüktesi Qazaqstan astanası Astanada qoyıluı tiis. » degen.

Al Frans-press aqparat agenttiginiñ mälimetinşe Resey tarapı Idlib pen Homs provinciyaların jäne Damask mañındağı Şığıs Guta aumağın qosıp qauipsiz aymaq jasaudı közdep otır. Bwl jayında  Türkiya, AQŞ, Süriya basşılarına wsınısta jasağan.

Biraq qazirdiñ özinde Astanadağı basqosuda  Süriya oppoziciyası ökilderi kelissözge qatısudan bas tartıp otır. Olardıñ aytuınşa Başar Asad äskeri Süriya oppoziciyası qaramağına kiretin ayiaqtardı bombılauın äli toqtatpay otırğan körinedi.

Osığan qarağanda Reseydiñ Süriyadağı soğıstı beybit jolmen şeşu bastaması ayaqsız qaluı äbden mümkin.

“The Qazaq Times”