«The Japan Times» باسىلىمىنىڭ حابارلاۋىنشا، جاپونيا كوروناۆيرۋستىڭ ەكىنشى تولقىنىنىڭ الدىن الۋ ءۇشىن بارلىق شارانى قولدانادى. بۇل تۋرالى ەلدىڭ ەكونوميكالىق قالپىنا كەلتىرۋ ءمينيسترى ياسۋتوشي نيشيمۋرا مالىمدەدى.
ۆەدوموستۆو وكىلى: «ەكىنشى تولقىن بولارى ءسوزسىز. قازىردىڭ وزىندە دايىندىق باستادىق. جاپونيا ۇكىمەتى مەن ەلدىڭ ءتيىستى ۆەدومستۆولارى بۇرىن توتەنشە جاعداي جاريالانعان ايماقتاردا كوروناۆيرۋستىڭ تارالۋ ديناميكاسىن مۇقيات قاداعالايتىن بولادى»، – دەيدى. سوڭعى مالىمەتتەر بويىنشا، جاپونيادا 16 مىڭنان استام كوروناۆيرۋس دەيەوى تىركەلگەن، وسى دياگنوزبەن 771 ادام قايتىس بولعان.
126 ميلليوننان استام حالقى بار ەلدە COVID-19 ۆيرۋسىنىڭ قايتا تارالۋ ىقتيمالدىعىن لوندونداعى كينگ كوللەدجىنىڭ قوعامدىق دەنساۋلىق ساقتاۋ ينستيتۋتىنىڭ ديرەكتورى كەندجي شيبۋيا دا ايتىپ وتىر. «بۇل ۆيرۋسقا قارسى كۇرەس شىنىمەن ۇزاققا سوزىلماق. جاپون حالقىنىڭ كارانتين تالاپتارىن جوعارى دەڭگەيدە ساقتاۋى ۆيرۋسپەن كۇرەسۋگە كومەكتەسەدى»، – دەيدى.
EADaily حابارلاعانداي، جاپونيا وتكەن اپتادا 47 پرەفەكتۋرانىڭ 39-ىنا توتەنشە جاعداي جاريالادى. توكيو، وساكا جانە تاعى التى قالالىق وكرۋگتەر دەرتتىڭ تارالۋىنا بايلانىستى كارانتين رەجيمىن ساقتادى. تاياۋدا ەل پرەمەر-ءمينيسترى سيندزو ابە ەلدىڭ قالعان اۋماعىندا توتەنشە جاعدايدى الىپ تاستاۋ جايلى مالىمدەمە جاساماق.
جاپونيادا توتەنشە جاعداي 7 ساۋىردە جەتى پرەفەكتۋرادا جاريالانعان. 16 ساۋىردە ابە توتەنشە جاعدايدى بۇكىل ەل اۋماعىنا ەنگىزدى. كەيستەر سانىنىڭ ارتۋى سەبكپتى 30 ساۋىردە توتەنشە رەجيم جاعدايى 31 مامىرعا دەيىن ۇزارتىلدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى