ەل اۋماعىنداعى توتەنشە جاعداي اياقتالا سالا ەل پرەزيدەنتى قاسىم-جومارت توقاەۆ ىسساپارمەن الماتى قالاسىنا كەلدى. پەزيدەنتتى قالا اكىمى باقىتجان ساعىنتاەۆ باستاعان الماتىنىڭ اتقا مىنەرلەرى كۇتىپ الدى. ارماتىنىڭ ايرىقشا ناساندارىن، الداعى قولعا الىنىپ جاتقان ءىرى قۇرلىس ورىندارىن ارالاعان پرەزيدەنت وسى ساپارى كەزىندە پروگرەسسيۆ تابىس سالىعى تۋرالى ايتتى.
“مەملەكەت باسشىسى قاسىم-جومارت توقاەۆ الماتىعا جۇمىس ساپارى بارىسىندا ۇكىمەتكە بەرگەن جەكە تابىس سالىعىنىڭ ۇدەمەلى ولشەمىن ەنگىزۋ تۋرالى تاپسىرماسىنىڭ ءمانىن ءتۇسىندىردى” دەپ حابارلايدى پرەزيدەنتتىڭ ءباسپاسوز حاتشىسى بەرىك ءۋالي.
قازاقستان پرەزيدەنتىنىڭ پىكىرىنشە، بۇل جاڭالىقتىڭ ماقساتى الەۋمەتتىك ادىلدىكتى قامتاماسىز ەتۋ. مۇنداي جۇيە بىرقاتار مەملەكەتتە قولدانىلادى.
قاسىم-جومارت توقاەۆ ايىنا 250-300 مىڭ تەڭگە جالاقى الاتىن ازاماتتار تابىس سالىعىن 7 پايىزدىق مولشەرلەمە بويىنشا تولەۋگە ءتيىس دەپ سانايدى. ياعني، قازىرگى 10 پايىزدىق مولشەرلەمەدەن تومەن بولادى. ال، ايىنا 300 مىڭ تەڭگەدەن 1,5-2 ميلليون تەڭگەگە دەيىن تابىس تاباتىندار ءۇشىن قازىرگى 10 پايىزدىق مولشەرلەمە ساقتالادى.
پرەزيدەنت جىلىنا 25 ميلليون تەڭگەدەن كوپ تابىس تاباتىن ازاماتتار ءۇشىن پايىزدىق مولشەرلەمە كولەمى ارتۋى ءتيىس دەگەن پىكىردە. مولشەرلەمە كولەمىن ۇكىمەتتىڭ كوميسسياسى انىقتايدى. بۇل رەتتە مەملەكەت باسشىسى جەكە تابىس سالىعىنىڭ پايىزدىق مولشەرلەمەسىنىڭ جوعارعى شەكتى دەڭگەيى 15 پايىزدان اسپاۋى كەرەك دەپ ەسەپتەيدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى