الماتىدا اقىن ادىلەت احمەتۇلىنىڭ "ادىلەت" اتتى تۇڭعىش جىر جيناعىنىڭ تۇساۋى كەسىلىپ، جىر سۇيەر وقىرمانعا جول تارتتى. ەۋرازيا عىلىمي-زەرتتەۋ ينستيتۋتىندا وتكەن تۇساۋكەسەر شاراسىنا قازاق پوەزياسىنىڭ شوقتىقتى وكىلدەرى جاركەن بودەش، عالىم جايلىباي، مۇرات شايماران باستاعان اقىندار مەن احمەت بايتۇرسىنوۆ اتىنداعى ءتىل-ءبىلىم ينستيتۋتىنداعى عالىمدار مەن عىلىمي قىزمەتكەرلەر، زيالى قاۋىم وكىلدەرى جانە جىر سۇيەر جاستار قاتىستى.

اقىن عالىم جايلىباي جاس اقىنعا ساۋعاسى مەن باتاسىن بەردى.

شارانىڭ باستالۋ سوزىندە ەۋرازيا عىلىمي-زەرتتەۋ ينستيتۋتىنىڭ ديرەكتورى ۆاكۋر سۇمەر مىرزا تۇركى حالىقتارىنداعى ورتاق پوەتيكالىق سارىندار جانە "ادىلەت" ۇعىمى تۋرالى ويلارىن ايتا كەلىپ، اۆتوردىڭ العاشقى جيىر جيناعىنا ءسات ساپار تىلەدى. بۇدان كەيىن كەزەگىمەن ءسوز العان اقىندار مەن جازۋشىلار، ەتنوگراف عالىمدار جانە ءتىل ماماندارى اۆتوردىڭ جاڭا ەڭبەگى جايىندا، سونداي-اق بۇگىنگى قازاق پوەزياسىنىڭ بەتالىسى جايىندا تولعامدى وي، تاماشا پىكىرلەردى ورتاعا سالدى. ايتالىق، قازاقتىڭ بەلگىلى اقىنى عالىم جايلىباي: "استاناداعى فورۋمدا قازاقتىڭ ۇلكەن قالامگەرى دۋلات يسابەكوۆ مودەرنيزم دەگەننىڭ كەز-كەلگەن ونەردى حالتۋراعا باستايتىنىن ايتىپ ەدى... مەنىڭ ادىلەتكە كەلگەنىڭ ولەڭ دەگەن – ادامنىڭ ءوزى، جۇرەگى، ال قازاقتىڭ اقىنى دەگەن جۋساننىڭ ءيىسىن، جىلقىنىڭ ءدۇبىرىن سەزىنە الۋى كەرەك، قازاق دەگەن حالىقتى سەزىنە الۋى كەرەك، ادىلەتتىڭ ولەڭىنەن مەن بۇلاردى كورە الامىن" – دەدى.

اعا بۋىن اقىندار ادىلەت احمەتۇلىنىڭ "العاشقى جىر جيناعىنا بەرىلگەن باعا مەن پىكىرلەردىڭ ءبارى دە قارىز ەكەنىن" ءۇمىت-تىلەكتەردى وتەۋ الداعى كۇننىڭ ەنشىسىندە ەكەنىن ايتىپ، جىر ساپارىنا اق باتاسىن بەردى.

تۇساۋكەسەر پوەزياعا ارنالعان تالقىعا ۇلاستى.

تالقى-كونفەرەنتسياسىنا ۇقساس پوەزيا تۋرالى ەركىن تالقىلاۋلار، پىكىر سايىستارمەن وتكەن تۇساۋ كەسەردە اۆتوردىڭ قۇربىلاس ونەر وكىلدەرى اننەن شاشۋ شاشسا، كۇيشى ارشىن كاسىمبايۇلى جورىق كۇيلەرىمەن كەش ايبىنىن اسىردى. شارانىڭ سوڭى "ادىلەت" جىر جيناعىنىڭ تۇساۋكەسەرىنە ارنالعان سالتاناتتى داستارحانعا ۇلاستى. ايتا كەتەيىك، "ادىلەت" جىر جيناعىنىڭ شىعۋىنا اۆتوردىڭ اينالاسىنداعى دوس-جاراندارى دەمەۋشىلىك ەتىپ،  "وتانداستار"  قورى تىكەلەي قولداۋ كورسەتكەن.

“The Qazaq Times”