استانادا تەرروريزم ايىبى بويىنشا 14 ازاماتتىڭ سوتى باستالدى  

بۇگىن ەلوردا شەتىندەگى قاتاڭ رەجيمدەگى تۇرمە عيماراتىندا اتىشۋلى «دايش لاڭكەستىك ۇيىمىنا قاتىستى» دەگەن ايىپتاۋمەن 14 ازاماتتىڭ سوت پروتسەسى باستالعانى حابارلاندى. ايىپتالۋشىنىڭ بارلىعى دا «جۋسان» وپەراتسياسى اياسىندا ارنايى ۇشاقپەن ءسۇريادان ەلگە جەتكىزىلگەندەر.

ەل استاناسىنىڭ مامانداندىرىلعان اۋدانارالىق سوتى كوشپەلى وتىرىسىندا سۋديا ءادىل شايحيسلاموۆ بۇگىن تاڭعى 10:00-دە زايىرلى ەلدەردە، سونىڭ ىشىندە قازاقستاندا (2015 ج.) دا تىيىم سالىنعان "دايش لاڭكەستىك ۇيىمىنا قاتىسى بار" 14 ازاماتتىڭ ءىسىن قاراۋدى باستادى. ولارعا وزدەرىن «يسلام حاليفاتىن ورنىقتىرۋشىلار» رەتىندە سانايتىن دايش «تەررورلىق ۇيىمى قۇرامىنا قاتىستى» دەپ ايىپ تاعىلۋدا.

حالىقارالىق دايش لاڭكەستىك ۇيىمىنا قاتىستى قازاقستاندىق ءىستى قاراپ جاتقان سۋديا – ءادىل شايحيسلاموۆ. فوتو: اشىق دەرەككوز

ايىپتالىپ جاتقان 14 ادامنىڭ بارلىعى ءبىر كەزدەرى مادەنيەت وشاعى بولىپ، بۇگىن ويراندالعان سوعىس ايماعىندا بولعان 25-50 جاس ارالىعىنداعى ەر ازاماتتار. وسىعان دەيىن، ناقتىراق ايتقاندا، 17 قازان ۇقك حالىقارالىق «دايش لاڭكەستىك ۇيىمىنىڭ قۇرامىندا بولعان» 14 ازاماتقا قاتىستى ءىستى تەرگەۋ امالدارى اياقتالعانىن، سوتقا جولدانعانىن حابارلاعان ەدى.

اشىق سوت وتىرىسىندا زالعا سىيماعان كەيبىر باق وكىلدەرى سىرتقى بولمەدە ارنايى مونيتوردان باقىلادى. 22 قازان 2019 جىل. استانا. فوتو: ازاتتىق/وركەن جويامەرگەن

تەرگەۋ قورىتىندىسىنا بويىنشا، 14 ازاماتقا "تەرروريستىك ارەكەتكە قاتىستى", «تەرروريزم ارەكەتىنە تارتتى»، «تەرروريزمدى ناسيحاتتادى»،  سونداي-اق وزگە دە اۋىر قىلمىستار جاساعان دەگەن ايىپ تاعىلعان.

ازاتتىق جاريالاعان اۋىر قىلمىس تۇرلەرىمەن جاۋاپقا تارتىلىپ جاتقان ازاماتتاردىڭ اتى-ءجونى:

1) التاەۆ دانيار

2) امانگەلدى ابزال

3) ايىپقاليەۆ ەرمۇقان

4) ابىلقايىروۆ تۇرلان

5) اجمامبەتوۆ جاندوس

6) باقىتجانوۆ عازينۇر

7) جانسەڭگىروۆ امانجول

8) يبراەۆ باقتيار

9) قامالوۆ نۇرلان

10) قۋانوۆ رۋسلان

11) ناربوتين الماس

12) ءسابيتۇلى داۋرەن

13) سادۋاقاسوۆ دۋمان

14) تورەحانوۆ دانابەك

ايىپتالۋشىلاردىڭ ءبىرى ءسۇريادا العان جاراقاتىنا بايلانىستا گوسپيتالدا جاتىر. تۋىستارىنىڭ سوزىنشە، ونىڭ دەنەسىنىڭ 30 پايىزى عانا قيمىلعا كەلەدى.

كۇدىكتىلەردى سوت زالىنا ارنايى جاساق وكىلدەرى جەتكىزگەن. 22 قازان 2019 جىل. استانا. فوتو: اشىق دەرەككوز

ەسكە سالا كەتسەك، بيىل ۇلتتىق قاۋىپسىزدىك كوميتەتى ءۇش رەت جۇرگىزىلگەن «جۋسان» وپەراتسياسى ناتيجەسىندە ءسۇريادان قازاقستانعا 595 قازاقستاندىق ازامات الىپ كەلىنگەن. ونىڭ 400-دەن كوبى بالالار. سىرتقى ىستەر مينيسترلىگى مالىمەتىنە قاراعاندا، مۇنداي كۇردەلى وپەراتسياعا بىرنەشە ەل، ونىڭ ىشىندە اقش تا كومەكتەسكەن. بۇعان دەيىن 10 ەر جانە 5 ايەل ادام قازاقستاندا تىيىم سالىنعان اتالمىش لاڭكەستىك ۇيىمعا قاتىسى بار دەگەن ايىپپەن سوتتالىپ، ءتۇرلى مەرزىمگە بوستاندىعىنان ايىرىلعان بولاتىن.

اشىق سوت وتىرىسىندا زالعا سىيماعان كەيبىر باق وكىلدەرى سىرتقى بولمەدە ارنايى مونيتوردان باقىلادى. 22 قازان 2019 جىل. استانا. فوتو: ازاتتىق/وركەن جويامەرگەن

"The Qazaq Times"