ءسۇريا اۋماعىنداعى رەسەي اسكەرى سوعىس جاعدايىنا ءوتتى

رەسەي ءسۇريا اۋماعىنداعى اسكەرىن سوعىس جاعدايىنا دايىنداۋدا – دەپ حابارلايدى ەحو موسكۆى اقپارات كوزى.

ەحو موسكۆى مالىمەتىنشە، رەسەي ءسۇريا اۋماعىنداعى اۋە قورعانىس كۇشتەرىن، اسكەري بارلاۋ جانە شابۋلداۋشى بولىمشەلەرىن سوعىس جاعدايىنا دايىنداۋ رەجيمىنە وتكىزگەن. بۇدان بولەك رەسەي اسكەري تەڭىز كۇشتەرى تارتۋس پورتىنان بارلىق كەمەلەرىن شىعارعان. كەمەلەردىڭ ورىن الماستىرۋ باعىتىن العشقىلاردىڭ ءبىرى بولىپ «Image Satellite Internacional» كومپانياسىنىڭ جەرسەرىكتەرى بايقاعان. اتالمىش جاعدايعا بايلانىستى رەسەي مەملەكەتتىك دۋماسىنا قاراستى قورعانىس كوميتەتىنىڭ توراعاسى ۆلاديمير شامانوۆ: «ءسۇريادا جاسالىپ جاتقان قادامداردىڭ بارلىعى اقش-تىڭ زىمىران شابۋىلىنا بايلانىستى» - دەگەن.

ەستەرىڭىزگە سالايىق، بۇعان دەيىن اقش پەرەزيدەنتى دونالد ترامپ رەسمي داماسككە حيميالىق قارۋ قولدانعانى ءۇشىن اسكەري كۇش كورسەتەتىندىگىن مالىمدەگەن. كەيىنەن ول ءساۋىر ايىنىڭ 11-ءى كۇنى ءوزىنىڭ Twitter پاراقشاسىنا «ءسۇريا اۋماعىنداعى رەسەي اسكەرىنە زىمىران شابۋىلىنا دايىندالعان دۇرىس» - دەپ جازعان.

“The Qazaq Times”