ءسۇريادان گروزنىيعا قازاقستان ازاماتتارى جەتكىزىلدى – دەپ مالىمدەدى شەشەنستان پرەزيدەنتى رامزان كادىروۆ.

قاراشا ايىنىڭ 13-ءى كۇنى رامزان كادىروۆ ءوزىنىڭ Instagram پاراقشاسىندا: «بۇگىن گروزنىي قالاسىنىڭ اۋەجايىندا ءسۇريادان كەزەكتى ارنايى رەيس كەلىپ قوندى. ۇشاق بورتىندا 41 ادام بار. ونىڭ 34 رەسەيلىك قالعان جەتەۋى قازاقستان جانە وزبەكستان ازاماتتارى» - دەپ جازعان.

ەستەرىڭىزگە سالايىق، بۇعان دەيىن باق بەتتەرىندە ءسۇريا اۋماعىندا 400-گە جۋىق قازاقستاندىق بالا بار دەگەن اقپارات جاريالانعان بولاتىن.

“The Qazaq Times”