فوتو: ۆۆس.

روسگۆارديا وفيتسەرى ءتورت بىردەي ارىپتەسىن اتىپ تاستادى – دەپ حابارلايدى ۆۆس اقاپارات قىزمەتى.

قازان ايىنىڭ 23-ءى كۇنى روسگۆارديانىڭ شەشەنستانداعى شەلكوۆسكايا بولىمشەسىندە رەسەيلىك وفيتسەر ءتورت بىردەي ارىپتەسىن اتقان. سالدارىنان وققا ۇشقان ءتورت ادام جەرگىلىكتى اۋرۋحانالاردىڭ بىرىنە جەتكىزىلگەن. ال وق اتقان وفيتسەردىڭ ءوزى وقيعا ورىنىندا كەزەكشى ءبولىم ساربازدارىنىڭ اتقان وعىنان كوز جۇمعان. قازىرگى تاڭدا اتالمىش وقيعا بويىنشا قىلمىستىق ءىس قوزعالعان، بىراق وفيتسەردىڭ نە ءۇشىن مۇنداي قادامعا بارعانى ازىرگە بەلگىسىز.

بۇعان دەيىن قىركۇيەك ايىنىڭ سوڭىندا داعىستاننان روسگۆاردياعا اسكەرگە الىنعان 23 جاستاعى گاسان ابدۋلاحادوۆ امۋر وبلىسىندا وتان الدىنداعى بورىشىن وتەپ جاتقان بولىمشەنىڭ وفيتسەرلەرى مەن ساربازدارىنا قاراتا وق جاۋدىرعان بولاتىن. سالدارىنان ءۇش ادام كوز جۇمىپ، ەكى ادام جاراقات العان. ال ابدۋلاحادوۆتىڭ ءوزى وقيعا وىنىندا وققا ۇشقان.

“The Qazaq Times”