فوتو: jahonnamo.tj

يران بالليستيكالىق زىمىرانىن سىناقتان وتكىزدى – دەپ حابارلايدى Press TV تەلەارناسى.

Press TV مالىمەتىنشە، يراننىڭ «حوررەمشەحر» بالليستيكالىق زىمىران 2 مىڭ شاقىرىم قاشىقتىقتاعى نىسانانىڭ كوزىن جويۋعا جانە اۋەگە بىرنەشە وق تۇمسىق (بوەگولوۆكا) الىپ ۇشۋعا قاۋقارلى. يران بريگادا گەنەرالى ءامىر ءالي حادجيزادەنىڭ سوزىنشە، «حوررەمشەحر» بالليستيكالىق زىمىراندارى يسلام رەۆوليۋتسيا قورعاۋشىلارى اسكەرىنىڭ ارسەنالىنا جاقىن ۋاقىتتا تۇسەتىن بولادى. ءدال وسى زىمىراندار جاقىندا ەل استاناسى تەھراندا وتكەن شەرۋدە جۇرتشىلىق نازارىنا ۇسىنىلعان.

بۇعان دەيىن يران بيلىگى الەمدە تەڭدەسى جوق «بومبالاردىڭ اكەسى» اتاناتىن 10 توننالىق بومبا جاسايتىندىقتارىن مالىمدەگەن بولاتىن. جەرگىلىكتى باق وكىلدەرىنىڭ حابارلاۋىنشا، يران اسكەرى ول بومبالاردى اۋەدەن يل-76تد ۇشاقتارىمەن تاستايتىن بولادى.

“The Qazaq Times”