Jobanıñ logosı. Körneki suret. Foto: joba avtorları

Orta Aziyada qazaq jäne orıs tilderinde ağartuşılıq bağıttağı masa.media attı onlayn-internet basılımı iske qosıldı. Internet basılım sayasat, qwqıq jäne zañnama jüyesin tüsindiredi. Sonday-aq sayt mümkindigine qaray konsul'tativti platforma retinde praktikamen de aynalısudı maqsat twtadı.

«Basılımnıñ atın «Masa» tañdauımız kezdeysoq emes. Aqın, ağartuşı, ğalım, Alaş partiyasınıñ müşesi Ahmet Baytwrsınovtıñ öleñder jinağı däl osı öleñimen bastaladı», – deydi Masa.media-nıñ negizin qalauşılar Ahañnıñ jolına tüsip.

«Masa.media-nıñ missiyası – Qazaqstannıñ jarqın bolaşağı üşin jastardı ağartu jäne olardıñ bilimin arttıru. Joba auditoriyası – 14-35 jas aralığındağı azamattar. Olar – aynalasına bey-jay qaramaytın, belsendi, jaña bilimge ikemi bar, jañaruğa qwlşınıp twrğan azamattar. Eldiñ bolaşağı – solardıñ qolında. Onı däl solar özgerte aladı», – deydi jobanıñ avtorları.

Basılımnıñ negizgi ieleri jurnalist, media-menedjer, azamattıq belsendiler Aysana Äşim (The Village Qazaqstan) jäne Äsem Japişeva («Til kespek joq»).

Äleumettik statusı, mamandığı men jınısına qaramay barlıq azamattıñ zañ men qwqıqtı öz ömirinde paydalanuğa septesudi közdeytin jobağa redakciya wjımı tilekşi ekenin bildiredi. Joba jetekşilerdiñ jeke qarajatınan qarjılandırıladı.

Masa.media trafik üşin emes, jastardı öz qwqığı men sayasi procesterge qızığuşılığın arttırıp, sol turalı tereñ bilim aluı üşin jwmıs istemek. «Basılımnıñ bastı maqsattarınıñ biri – soğan qazaq tilinde söyleytin oqırmandardı tartu. Sebebi däl osı auditoriya qwqıq, sayasatqa qatıstı sapalı jäne uaqıtılı aqparattıñ joqtığınan köp zardap şegip otır», – deydi joba jetekşileri.

Masa.media öz auditoriyasınıñ zañ men qwqıqtı dastarhan basında emes, çattarda, pikirtalas alañında aşıq talqılap, kündelikti ömirde paydalana aluına wyıtqı bola alsaq degen mwrat qoyğanın jariyaladı.

«Biz sayasatkerlerdiñ tüsiniksiz tilde söyleuinen, jastardı sayasatqa tek söz jüzinde aralastıruınan, zañsızdıq pen bassızdıqqa köm jwma qaraudan şarşadıq» şarşadıq degen avtorlar ağartuşılıq jobanı «sauıt-qaru» retinde paydalauğa şaqıradı. Jaña jobağa The Qazaq Times tabıs pen jeñis tileydi!

 Izıñdap wşqan mınau bizdiñ masa,

Sap-sarı, ayaqtarı wzın masa:

Özine bitken tüsi özgerilmes,

Degenmen qara, yaki qızıl masa.

Üstinde wyıqtağannıñ aynala wşıp,

Qaqqı jep, qanattarı bwzılğanşa,

Wyqısın az da bolsa bölmes pe eken,

Qoymastan qwlağına ızıñdasa?!

Ahmet Baytwrsınwlı «Masa» öleñinen

"The Qazaq Times"