ورتالىق ازيا جانە ورتا شىعىستاعى دەرجاۆالاردىڭ اسكەري بازالارى. فوتو: Global Research.

«پارس.اقپارات» اگەنتتىگىنىڭ حابارىنا قاراعاندا، اقش ورتا-شىعىستاعى 20-دان اسا مەملەكەتتىڭ شەكاراسىن وزگەرتۋگە تىرىسۋدا. اتالعان اقپاراتتىڭ رەسمي سايتىندا تۇركيا بارلاۋ باسقارماسىنىڭ بۇرىنعى باستىعىنىڭ سوزىنە سىلتەمە جاسالىپتى. ونىڭ ايتۋىنشا اقش-تىڭ بۇل ارەكەتى يراننىڭ ايماقتاعى كۇش-قۋاتىنىڭ ارتىپ كەتۋىنىڭ الدىن الۋ ءۇشىن جاسالىپ وتىر.

تۇركيا اسكەرىنىڭ بارلاۋ باسقارماسى بۇرىنعى باستىعى سمايىل حاكي پاكين «Sputnik» اقپارات اگەنتتىگىنە بەرگەن سۇحباتىندا، اقش ۇكىمەتىنىڭ ورتا-شىعىستاعى كەمىندە 20 ەلدىڭ مەملەكەتتىك شەكاراسىن وزگەرتۋگە تىرىسىپ جاتقانىن، بۇل ارەكەتىنىڭ سيونيستىك رەجيمنىڭ ايماقتاعى مۇددەسى ساقتاۋ جانە يراننىڭ ىقپال كۇشىنىڭ ارتىپ كەتپەۋى ءۇشىن جاسالىپ جاتقانىن ايتقان.

اقش ۇكىمەتىنىڭ يرانعا قاراتا جاڭا ارى قاتاڭ ساياساتتى ازىرلەپ وتىرعانى انىق. ترامپ بيلىگى بۇرىنعى كەلىسىمدى تىم جۇمساقتىقپەن جاسالعان دەپ ساناپ، يران يادرولىق باعدارلاماسىن قاتاڭ تەجەيتىن جاڭا كەلىسىمدى ىسكە اسىرۋعا تىرىسۋدا. جاقىندا يراندا بيلىك باسشىلىعى اۋىسۋى دا مۇمكىن. يران پرەزيدەنتى ءوز ورىنىن ساقتاپ قالعان كۇندەدە، وسىعان دەيىنگى پرەزيدەنتتىك قىزمەتىندەگى مامىلەشىلدىگىن كورسەتە بەرمەۋى ىقتيمال.

The Qazaq Times