فرانتسيا پرەزيدەنت سايلاۋى ەۋروپالىق كوميسسيانى نەگە الاڭداتپايدى؟

ەۋروپالىق وداقتىڭ ەڭ نەگىزگى تىرەگى بولىپ قالعان گەرمانيا مەن فرانتسيا ەو ءۇشىن اسا ماڭىزدى. ولارداعى ساياسي وزگەرىستەر وداقتىڭ بولاشاعىنا تىكەلەي قاتىستى بولسا كەرەك ەدى. قازىر فرانتسيادا دەموكراتيالى پرەزيدەنت سايلاۋى بولىپ جاتىر. سايلاۋعا قاتىسقان كانديداتتار اراسىندا ەۋروپالىق وداقتى قولدامايتىن، ءتىپتى ۇلىبريتانيا سەكىلدى وداقتان باس تارتقىسى كەلەتىن پارتيا وكىلدەرى دە بار. دەسە دە، ەو  سايلاۋ ناتيجەسىنەن ەش الاڭدامايتىنىن ايتۋدا.

الەمدىك تانىمال “The Wall Street Journal” باسىلىمىنىڭ حابارلاۋىنشا، 21 ءساۋىر جۇما كۇنى، ەۋروپا كوميسسياسى وكىلى حابارلاما جاريالاپ، الداعى فرانتسياداعى سايلاۋدا ەو-عا كۇدىكپەن قارايتىن پارتيا  جەڭىسكە جەتسە دە، ەۋرووداقتىڭ قالىبى بۇزىلمايدى دەگەن پىكىر بىلدىرگەن. سوندىقتان، ەۋروپا كوميسسياسى فرانتسيا سايلاۋ ناتيجەسىنەن بۇرىن قانداي دا ءبىر ەرەكشە جوسپار جاساۋى قاجەتسىز ەكەنىن ايتتى.

ەۋروپالىق كوميسسيانىڭ كۇندەلىكتى وتەتىن ءباسپاسوز جيىنىندا، مينا اندرەەۆا (Mina Andreeva) سايلاۋ دەموكراتيانىڭ قالىپتى ءبىر بولەگى ەكەنىن ەسكەرتتى. سوندىقتان اندرەەۆا حانىم: «فرانتسيانىڭ دەموكراتيالىق سايلاۋىنا بولا ەۋروپالىق كوميسسيانىڭ ارنايى جوسپارلار ءتۇزۋىنىڭ قاجەتى شامالى، فرانتسيا پرەزيدەنتتىك سايلاۋى ەشقانداي دا داعدارىستى كورسەتپەيدى، بۇل ەسەسىنە دەموكراتيانىڭ ءبىر مۇمكىندىگى»، – دەپ وتىر.

اندرەەۆا حانىمنىڭ ايتۋىنشا ەۋروپالىق كوميتسيا توراعاسى جان-كلود يۋنكەر (Jean-Claude Juncker) بۇل سايلاۋعا تولىقتاي سەنىمدىلىكپەن قارايدى. ول دا فرانتسيادا ەو-عا قارسى پارتيا سايلاۋدا جەڭىسكە جەتسە دە ەۋرووداقتىڭ تابان تىرەپ تۇرا بەرەتىنىن ايتادى. ەۋرووداق كوميسسياسى فرانتسياداعى سايلاۋعا ارالاسپاي، سايلاۋ ەركىن فرانتسيالىقتارعا ەركىن بەرۋدى قۋاتتاپ وتىر.

The Qazaq Times