اقش ۇكىمەتى ءوزىمشىل ەكونوميكالىق ساياساتقا كوشتى

ترامپ ۇكىمەتى اقش-تا وتكەن عاسىردىڭ 70-80 جىلدارى قولدانىلعان كونە زاڭ – «بولات يمپورتىن شەكتەۋ» ەرەجەلەرىنىڭ قايتا جاڭعىرتقان بولاتىن. ترامپ كومانداسى بۇل ەرەجەلەردىڭ ۇلتتىق قاۋىپسىزدىك تۇرعىسىندا ءتيىمدى الدە ءتيىمسىز تۇستارىنا كەڭ اۋقىمدى تەكسەرۋ جۇمىستارىن باستاپ كەتتى. بۇل اقش ساۋدا ساياساتىن كەمەلدەندىرىپ، ۇلتتىق ەكونوميكانىڭ جاندانۋىنا تىڭ سەرپىن بەرەدى دەپ كۇتۋدە.

اقش جەرگىلىكتى ۋاقىتىمەن بەيسەنبى كۇنى سويلەگەن سوزىندە ترامپ : « بولات يمپورت-ەكسپورتى اقش ەكونوميكاسى مەن ۇلتتىق قاۋىپسىزدىگى ءۇشىن اسا ماڭىزدى بولىپ تابىلادى. اقش بۇل سالادا وزگە ەلدەرگە استە تاۋەلدى بولماۋى كەرەك»، – دەدى. بۇل ەرەجەنى قايتا بەكىتۋگە قول قويۋ راسىمىنە اقش بولات ونەركاسىبىنىڭ بەلدى وكىلدەرى قاتىستىرىلعان بولاتىن.

ترامپ ۇكىمەتى قايتالاي اتقارىلعالى وتىرعان زاڭ ەرەجە، بولات وندىرىسىنەن تارتىپ، يمپورتتىق بولات ونىمدەرىنىڭ شەكتەۋ شارالارىن ءوز ىشىنە قامتيدى. الايدا 1995 جىلدان باستاپ نەگىزى قالانعان دۇنيەجۇزىلىك ساۋدا ۇيىمى اقش-تىڭ بۇل زاڭ-ءتۇزىمىن قولدانىستان شىعارىپ تاستاعان بولاتىن. شىن مانىسىندە دسۇ-نىڭ قۇرىلۋىنىڭ ماقساتى ءار ەلدەگى وسىنداي يمپورتتىق شەكتەۋ شارالارىن بۇزۋ ءۇشىن بولاتىن. ترامپ اقش پرەزيدەنتتىگىنە كەلىسىمەن ساۋدا ۇيىمدارىنان باس تارتا باستادى. قازىر الەمدىك ساۋدا ۇيىمى قۇرىلۋدان بۇرىنعى اقش-تىڭ ۇلتشىل ەكونوميكاسىن قولدايتىن زاڭداردى ىسكە قوسۋدا.

اق ءۇي وكىلدەرىنىڭ ايتۋىنشا، الداعى ۋاقىتتا اقش ۇكىمەتى وزگە سالالاردا دا وسىنداي زاڭ ەرەجەلەردى قايتا جانداندىرۋى مۇمكىن ەكەن. بولات ونەركاسىبى اقش ەكونوميكاسىنىڭ ماڭىزدى سالاسى. وزگەدە مەتالل قورتۋ سالالارى بولسىن اقش ۇكىمەتى كوپتەن بەرى الەمدىك باسەكەلەستەرىنە جول بەرىپ كەلدى. ايتالىق، بولات قورتۋ، ءتۇستى مەتالل سالاسىن قاۋىرت ارتتىرعان قىتاي، اقش-تىڭ بولات يمپورتىندا باسىم سالماقتى ۇستاپ كەلگەن بولاتىن. ۋاشينگتوننىڭ ەندىگى جۇرگىزگەلى وتىرعان ساياساتى قىتاي، اۆستراليا قاتارلى بولات ەكسپورتى دامىعان ەلدەرگە اۋىر سوققى بولاتىنى بەلگىلى.

The Qazaq Times