اپتا باسىنان باستالعان اپتاپ ىستىق ءالى دە ساقتالۋدا. شىلدەنىڭ شىلىڭگىرى جەردى قۋىرىپ بارادى، بۋىنى قاتقان ءشوپتىڭ باسى قۋرادى.

«قازگيدرومەت» رمك-سى شىلدەنىڭ 24-ءى كۇنگى كۇن رايى بولجامىن جاريالادى.
قازگيدرومەتتىڭ دەرەكتەرىنە قاراعاندا، 24 شىلدە كۇنى ەلىمىزدىڭ باسىم بولىگىندە فرونتالدى بولىكتەردىڭ اسەرىنەن قازاقستاننىڭ باتىسىندا، سولتۇستىك-باتىسىندا، سولتۇستىگىندە، شىعىسىندا، وڭتۇستىك-شىعىستىڭ تاۋلى اۋداندارىندا جاڭبىر جاۋادى، وڭتۇستىك-باتىسىندا نايزاعاي ونياپ، جاڭبىر جاۋادى، جەل كۇشەيەدى، ەلدىڭ باتىسىندا، شىعىسىندا بۇرشاق جاۋىپ، وڭتۇستىگىندە شاڭدى داۋىل تۇرادى، سولتۇستىگىندە تۇندە جانە تاڭەرتەڭ تۇمان تۇسەدى. قازاقستاننىڭ تەك وڭتۇستىگىندە جانە ورتالىعىندا عانا كۇن جاۋىن-شاشىنسىز بولادى.


تۇركىستان، قىزىلوردا، جامبىل، جەتىسۋ، الماتى وبلىستارىنىڭ باسىم بولىگىندە، ماڭعىستاۋ، اتىراۋ وبلىستارىنىڭ وڭتۇستىگىندە، ۇلىتاۋدىڭ وڭتۇستىگىندە، شىعىسىندا، قوستاناي وبلىسىنىڭ ورتالىعىندا توتەنشە ءورت قاۋپى ساقتالادى.
كۇندىز قىزىلوردا، ۇلىتاۋ وبلىستارىنىڭ باسىم بولىگىندە، اقتوبە، اباي وبلىستارىنىڭ وڭتۇستىگىندە قاتتى ىستىق بولادى.

الماتى قالاسىنىڭ الداعى اپتاداعى كۇنرايى بولجامى بويىنشا ىستىق كۇندەر جالعاساتىنىن كورسەتەدى.

ىستىق اۋا رايىندا جۇرەك-قانتامىرلار جۇيەسى زارداپ شەگەدى. اۋا رايى قۇرعاق ءارى ىستىق بولعان كەزىندە قان ۇيىپ، ترومبتاردىڭ تۇزىلۋىنە الىپ كەلەدى. ال، قاننىڭ ۇيۋى — ءينسۋلتتىڭ باستى سەبەبى.

ودان بولەك، اپتاپ ىستىق كەزىندە اتموسفەرالىق قىسىم السىرەيدى. بۇل جاعدايدا گيپەرتونيكتەر دە، قان قىسىمى تومەن ادامدار دا جاپا شەگەدى. ساۋ ادامداردىڭ وزدەرى دە كۇن تەمپەراتۋراسى ارتۋىمەن بىرگە، جۇرەك سوعىسى ارتىپ، تامىرلارى كەڭەيە باستايتىندىقتان جۇرەك اينۋ، كوزدىڭ قاراۋىتۋى، السىزدىكتى سەزىنۋى ابدەن مۇمكىن.

سونىمەن بىرگە، ادام كوپ تەرلەيتىندىكتەن تەرمەن بىرگە دەنەدەگى سۇيىقتىقتى جانە مينەرالداردى جوعالتادى. سوندىقتان ادام السىرەپ، ۇيقى باسىپ، مازاسىزدانا باستايدى.

جۇرەك اۋرۋى، قان قىسىمى مەن قانتامىرلارىنىڭ دەرتى بار ادامدارعا دالاعا شىقپاعان دۇرىس. كالي مەن ماگنيگە باي جەمىس-جيدەكتەردى كۇندەلىكتى راتسيونعا قوسقان ارتىق ەتپەيدى. باس كيىم كيىپ، قوسىمشا ارنايى ءدارى دارمەك الىپ جۇرگەن ءجون.
سۇيىقتىقتى كوبىرەك تۇتىنۋ، ازداعان قانتتى شىرىن، شاي، كومپوت. ودان بولەك، گازدالعان مينەرالدى سۋسىندار جوعالعان ەلەكتروليتتەردى قالپىنا كەلتىرەدى. ال، الكوگولدى ونىمدەردەن اۋلاق بولعان ءجون.
ماماندار جەڭىل ءارى كەڭ كيىم كيگەن دۇرىس دەيدى. سينتەتيكا ماتەريالىنان مۇلدەم باس تارتقان ءجون.

ءنۇرباتيما بايتۇرسىن

الماتى وبلىسى