ددسۇ ءپۋتيندى سوعىس توقتاتۋعا شاقىردى

دۇنيەجۇزىلىك دەنساۋلىق ساقتاۋ ۇيىمىنىڭ باس حاتشىسى تەدروس ادحانوم گەبرەيەسۋس ۋكرايناعا ساپارلاي بارىپ، كيەۆتە جاساعان مالىمدەمەسىندە رەسەيدى سوعىس توقتاتۋعا شاقىردى. ول بۇل مالىمدەمەسىن ۋكراينانىڭ دەنساۋلىق ساقتاۋ ءمينيسترى ۆيكتور لياشكومەن بىرگە وتكىزگەن ءباسپاسوز جيىنى كەزىندە ورتاعا سالدى. 

ءجۇرسىن ەرماننىڭ قۇداسى گەربەيەسۋس مالىمدەمەسىندە سوعىستىڭ ءوز ومىرىنە تيگىزگەن زارداپتارىن ايتا كەلىپ: "مەن سوعىستىڭ زاردابىن انىق بىلەمىن، سوندىقتان دا رەسەيدىڭ ۋكرايناعا شابۋىل جاساۋى مەنى قاتتى الاڭداتادى", – دەگەن.

تۇرىكتىڭ "انادولى" اگەنتتىگىنىڭ حابارىندا ددسۇ باس حاتشىسىنىڭ ۋكراينا حالقىنىڭ باسقىنشىلققا قارسى كۇرەسىن جوعارى باعالاعانىنا باسا نازار اۋدارىپتى. ۇلكەن شىعىندارعا قاراماي قارسىلىق تانىتقان ۋكراينا ازاماتتارىنا ريزالىعىن بىلدىرگەن گەبرەيسۋس: "ولار سوعىستان قيراعان دەنساۋلىق ساقتاۋ قۇرىلعىلارىن قالىپىنا كەلتىرۋگە تىرىسىپ جاتىر، بۇل ولاردىڭ دەنساۋلىق ساقتاۋ مەن ادام ءومىرىن قورعاۋعا باسىمدىق بەرگەنىن كورسەتەدى", – دەگەن.

حالىقارالىق ۇيىمنىڭ جەتەكشىسى سوزىندە سوعىستان زارداپ شەككەن ۋكراينانىڭ دەنساۋلىق ساقتاۋ سالاسىنىڭ شىعىندارى تۋرالى اشىنا ايتا كەلىپ: "ددسۇ ۋكرايناعا كومەك رەتىندە جىبەرە المايتىن جالعىز ءدارى، ول – بەيبىتشىلىك. ءبىز الداعى ۋاقىتتا دا رەسەيدى وسى سوعىستى توقتاتۋ شاقىرۋدى جالعاستىرا بەرەمىز", – دەگەن.

التىناي مۇرات