بۋچاداعى سوعىستىڭ سويقانى. فوتو: BBC

رەسەي مەن ۋكراينا ءبىر-ءبىرىن سوعىس قىلمىسى بويىنشا ايىپتاپ جاتىر. رەسەي قورعانىس مينيسترلىگى مالىمدەمە جاساپ، بۋچادا بەيبىت تۇرعىنداردى اياۋسىز قىرعىنداۋ بويىنشا ۋكراينانىڭ ايىبىن جوققا شىعاردى جانە بۇنى ارانداتۋشىلىق دەپ اتادى. ال، امەريكالىق تەلەارناعا بەرگەن سۇحباتىندا ۋكراينا پرەزيدەنتى ورىس اسكەرلەرى كيۆە ماڭىندا دا بەيبىت تۇرعىنداردى اياۋسىز ولتىرگەنىن ايتقان.

رەسەي قورعانىس مينيسترلىگى مالىمدەمەسىندە كيەۆ اكىمشىلىگىنىڭ بۋچادا جاريالاعان فوتو سۋرەتتەرى مەن بەينە جازبالاردى ارانداتۋ ماقساتىنداعى جالعان اقپارات دەپ باعالاعان. اتالعان ەلدىمەكەن رەسەيلىك اسكەرلەردىڭ باقىلاۋىندا تۇرعان كەزىندە بىردە ءبىر وبلىس تۇرعىنى زورلىق-زومبىلىققا ۇشىراماعادى دەپ مالىمدەگەن.

ۋكراينا تارابى رەسەيدى بۋچا جەرىندە سوعىس قىلمىسىن جاساپ، بەيبىت تۇرعىنداردى قىرعىندادى دەگەن ايىپتاۋىنا قاراماستان، رەسەي رەسمي مالىمدەسىندە بۋچا تۇرعىندارىنىڭ ەركىن قوزعالىسىنا شەكتەۋ قويىلماعانى، ەۆاكۋاتسياعا مۇمكىندىك بەرگەندەرىن العا تارتتى. ماسكەۋ ءوز مالىمدەمەسىندە ۋكراينانى ايىپتاپ، بۋچانىڭ وڭتۇستىگىندەگى اۋدانداردى، اسىرەسە تۇرعىندار قونىستانعان اۋماقتى بومبالاعان دەپ كورسەتتى.

رەسەي مالىمدەمەسىندە ۋكراينامەن تۇركياداعى كەلىسسوزدەن كەيىن، 30 ناۋرىزدا بۋچادان ءوزىنىڭ قارۋلى كۇشتەرىن تولىعىمەن شەگىندىرىپ كەتكەنىن العا تارتقان. 31 ناۋرىزدا قالانىڭ مەرى رەسەيلىك اسكەريلەردىڭ جوق ەكەنىن راستاعان بولاتىن.

قازىر، ماسكەۋ مەن كيەۆ ءبىر-ءبىرىن سوعىس قىلمىسىمەن ايىپتاپ جاتىر. ءار ەكى تاراپ تا قارسى جاقتىڭ ۋاجدەرىن ارانداتۋ مەن جالعان اقپارات رەتىندە قارايدى.

 

The Qazaq Times