قازاقستانعا اتوم ەلەكتر ستانتسياسى قاجەت. بۇل جونىندە بۇگىن، 3 قىركۇيەكتە ۆلاديۆوستوكتا ءوتىپ جاتقان شىعىس ەكونوميكا فورۋمىنىڭ پلەنارلىق وتىرىسىندا ەل پرەزيدەنتى قاسىم-جومارت توقاەۆ ايتتى.

"قازاقستان حالقىنا جولداۋىمدا ەلدە اتوم ەنەرگەتيكاسىن قۇرۋ مۇمكىندىگىن جان-جاقتى زەرتتەۋدى تاپسىردىم. ەلدىڭ، حالىق پەن بيزنەستىڭ قاجەتتىلىگىن دە ەسكەرۋ ماڭىزدى. بۇل ماسەلەنى ەگجەي-تەگجەيلى قاراستىراتىن ۋاقىت كەلدى دەپ ەسەپتەيمىن. سەبەبى قازاقستانعا اتوم ستانتسياسى قاجەت" دەدى جيىنعا ونلاين قاتىسقان قازاقستان پرەزيدەنتى.

توقاەۆ ءوزى اتاپ وتكەندەي 1 قىركۇيەكتەگى جولداۋىندا دا ەلگە اەس قاجەت ەكەنىنە توقتالعان ەدى. ول ۇكىمەتكە ء"بىر جىلدىڭ ىشىندە قاۋىپسىز اتوم ەنەرگەتيكاسىن دامىتۋدى زەردەلەۋدى" تاپسىرعان.

قازاقستان بيلىگى ەلدە اەس سالۋ باستاماسىن كەيىنگى جىلدارى ءجيى كوتەرىپ ءجۇر. بىراق قوعامدا بيلىكتى بۇل باستاماسىنا قارسىلار كوپ.

The Qazaq Times