دۇنيەجۇزىلىك دەنساۋلىق ساقتاۋ ۇيىمىنىڭ جەتەكشىسى تەدروس گەبرەيەسۋس پاندەميانىڭ ءۇشىنشى تولقىنى باستالدى دەپ مالىمدەدى.
كوروناۆيرۋستىڭ قاۋىپتى دەلتا شتامى الەمنىڭ 111 ەلىندە تىركەلىپ، ەپيدەميولوگيالىق احۋال قايتا ۋشىعا باستاعان. گەبرەيەسۋس سونىمەن بىرگە الەم ەلدەرىندە كوروناۆيرۋسقا قارسى ۆاكتسينانىڭ تەڭ بولىنبەۋ ماسەلەسىنە دە توقتالدى.
مالىمدەمەسىندە گەبرەيەسۋس: «ءبىز COVID-19 پاندەمياسىنىڭ ەڭ قاۋىپتى كەزەڭىندە تۇرمىز. «دەلتا» شتامى وتە تەز تاراپ بارادى. تىركەلگەن جاڭا ناۋقاستاردىڭ باسىم بولىگى ۆيرۋستىڭ وسى تۇرىنە شالدىققاندار. دەرتتى تۇبەگەيلى جەڭۋ ءۇشىن ءار مەملەكەتتە كەلەر جىلعا دەيىن حالىقتىڭ 70%-ى ەكپە الۋى كەرەك»، – دەدى.
ددۇ-نىڭ اپتالىق ەپيدەميولوگيالىق بيۋللەتەنىندە جازىلعانداي، «الاڭداۋشىلىق تۋدىراتىن نۇسقالار» ساناتىنا جاتقىزىلعان ءتورت شتاممدى («الفا»، «بەتا»، «گامما» جانە «دەلتا») جۇقتىرۋ كورسەتكىشى جوعارى.
ءبىر اپتا بۇرىن 6 شىلدەدەگى جاعداي بويىنشا دەلتا شتاممى 104 مەملەكەت پەن اۋماققا تارالعان ەدى. ال ودان ءبىر اپتا بۇرىن تارالعان ەلدەر مەن اۋماقتار سانى 96 بولاتىن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى