جاپونيا ۇكىمەتى پاندەمياعا بايلانىستى توكيودا 12 شىلدە مەن 22 تامىز ارالىعىندا توتەنشە جاعداي ەنگىزۋ تۋرالى شەشىم قابىلدادى.

جاپونيانىڭ ەكونوميكالىق قالپىنا كەلتىرۋ ءمينيسترى ياسۋتوشي نيشيمۋرا ساراپشىلار كوميتەتىنىڭ وتىرىسىندا: «توكيودا كەيستەر سانى ارتىپ، دەلتا شتامى تەز تارالىپ جاتىر. وكيناۆانىڭ وڭتۇستىك پرەفەكتۋراسىندا توتەنشە جاعداي رەجيمىن ۇزارتىلادى. سونىمەن قاتار چيبا، سايتاما جانە كاناگاۆا شىعىس پرەفەكتۋرالارىندا، باتىس وساكادا ينفەكتسيانىڭ تارالۋىنا قارسى كۇشەيتىلگەن شارالار 22 تامىزعا دەيىن جالعاسادى»، – دەدى.

توكيودا توتەنشە رەجيم 20 ماۋسىمعا دەيىن ەنگىزىلەدى. ال 11 شىلدەگە دەيىن ينفەكتسيانىڭ تارالۋىنا قارسى كۇشەيتىلگەن شارالار رەجيمى كۇشىنە ەنەدى. بەلگىلەنگەن ۋاقىت ارالىعىندا مەيرامحانا، بار جانە ويىن-ساۋىق مەكەمەلەرىنىڭ جۇمىس ۋاقىتىن قىسقارتىلادى. سونداي-اق الكوگول ءونىمىن ساتۋعا شەكتەۋ قويىلادى.

جاپونيانىڭ دەنساۋلىق ساقتاۋ مينيسترلىگىنىڭ مالىمەتى بويىنشا، 7 شىلدەدە توكيودا 920 كەيس تىركەلگەن. بۇل وتكەن اپتاعا قاراعاندا 206-عا ارتىق.

"The Qazaq Times"